18
Hay Ingkantan David hidin Nangabakana
Hete ya psalm an intudo' David an baal Apo Dios, ya hay intud'ana ya nan ap'apun di muntudtuduh kanta, ya hay ipa'innilana ya nan namaliwan Apo Dios ay hiyah an amin hinan buhulna ya hinan Alin hi Saul. An inalinay:
(II Sam. 22:2-51)
1 Pa'appohpohdo' He"a, Apo Dios, an nangidat hi bi'ah'u!
2 Hi Apo Dios ya ay batun nahamad hi ipo"oya' ta mabaliwana'.
Hiya an nangibaliw ay ha"in hinan buhul'u ya umat goh hinan nahamad an allup unu hapiaw an mananin ha"in.
Nidugah di abalinanan mangibaliw ay ha"in ti umat nongkay hi batu an nahamad hi ipo"oyan!a
3 At hi Apo Dios an nahamad hi madayaw di numpabadanga',
ya immannung an binaliwana' ay Hiyah nan buhul'u.b
4 Ti hidin hi'ihi'itangan ataya' ya paddungnay unna' inloblob hinan do'ol an puma"i,c
5 ya paddungna goh di tali an nibobod ay ha"in
unu hulu ta nahulua' an mi'id di ato' an lumayaw.d
6 At gapuh nan nidugah ahan an numanomnoma' ya numpahpahmo'a' ay Apo Dios,
at dengngolnay luwalu' hidih nan Timpluna.e
7 Ya gapuh boholnah nan buhul'u ya immalyog tun luta,
ya ta"on nan nipognadan di duntug ya niwogot.f
8 At paddungnay mun'ahu' di olongna,
ya waday apuy hi bimmuhu' hi timidna an gumhob.g
9 Ya piniwa'nad daya ta nun'ohop an inggatinah nan ma"ang'angingitit an bunut.h
10 At nilugan hinan muntadyapan an cherubim an pun'iyaddib di mabi'ah an tuyup.i
11 An nale'woh di odolnah nan ma"ang'angitit an bunut an napnuh udan.j
12 Mu dumalat nan nidugah an humiliana ya nidugah an umanilat,
ya nun'a'agah di o"ongol an dalallu ya nan mundalang an apuy.k
13 Hiya an na'abbagbagtun Dios ya hay oha goh hi umatan di bungotna ya ay idul,l
14 at nun'ipalayawna nan buhul an dumalat hinan ilat an paddungnay nun'ipananan dida.m
15 Ya namaganan nan baybay ta ma"attig di dopona,
ya ta"on nan pognad tun luta ya nun'abudhan an dumalat goh nan nidugah an boholna!n
16 Ya ta"on un wad abuniyan ya paddungnay nunluung ta ginuyuda' hinan bunol di danum.o
17 Ta binaliwana' ay Hiyah nan mun'abi'ah ya nan ma'abohhol an buhul'u an nidugah di abalinanda ya un ha"in.p
18 Ti hidin gutud di nunligligata' ya immaliday buhul,
mu binaliwana' ay Apo Dios.q
19 Ya manu ay binadangana' ya binaliwana' ay Hiyah nan atata'ot an ma'at ay ha"in
ti umamlong ay ha"in.r
20 Ti miyunnudan hinan nahamad ya maphod an pangat'uy inatnan ha"ins
21 ti inunud'u nan Tuguna an agguy'u inat nan nappuhi ta agguy'u din'ug Hiya.t
22 Ya an amin din inyuldina ya immannung an inunud'u an agguy'u nginohoy,u
23 ya inilanan mi'id di numbahola' ay Hiya.v
24 At hiyanan indatna an Dios di lagbu' an miyunnudan hinan nepto' an aat'u
ti maphod di nangibilanganan ha"in.w
25 Ti minaynayun di pangipapto' Apo Dios hinan tatagun mangedenol ay Hiyah enggana,
at maphod di atonah nan maphod di pangatda.x
26 Ti nahamad di atonah nan maphod di ugalina,
mu moltaona nan mangat hi nappuhi.y
27 Ya nan mumpa'ampa ya baliwana,
mu nan mumpahiya ya diday mipa'ampa.z
28 Ya nipaddung hi Apo Dios hi dilag'u
ti ipapatalna nan adi maphod an punnomnom'u.a
29 Ya Hiya ay di bumadang ay ha"in ya abalina' an abakon nan mangubat ay ha"in,
ya Hiya ay di pi'yibba' ya abako' dida an ta"on un na'allup di babluyda!b
30 At Hiyay ay hapiaw an mananin amin hinan mihi'ug ay Hiya
ti na'ahhamad nongkay di aatna an ipa'annungnan amin di ibagana.c
31 Hiya ya anggay di Ap'apu,
ya Hiya ya anggay di mipaddung hinan batu an abaliwan tu'u.d
32 Hiyay Dios an alpuwan di bi'ah'u,
ya Hiyay mangipaphod hi aat'u ta nahamad.e
33 Ya Hiya nongkay di mangidat hi abalina' an tumagtag an umat hi amabi'ah di ulha
ta umuya' mipo"oy hinan ata'nang an duntug ta mabaliwana'.f
34 Ya idatnay abalina' an mi'gubat ta olog'un oladon di gambang an pana.g
35 At hiyanan nangabakona',
ya impabagtua' an gapuh badangnan ha"in.h
36 Ya gapuh nangipapto'anan ha"in at paddungnay agguya' nihungpul hinan dalan!i
37 Mu ha"in di numpamdug ay dida ta engganay un'u numpatoy didan amin.j
38 At hiyanan mid mangiballohk
39 ti indatnay bi'ah'un ni'gubat ta inabak'u nan buhul'u.l
40 Ya impata'otna dida ta limmayawda,
at numpatoy'u didan ma'abohhol ay ha"in.m
41 Ya hidin nanganapandah bumadang ay dida ya mi'id,
ya ta"on unda numpahpahmo' ay Apo Dios mu agguyna binaliwan dida.n
42 At hiyanan numpatoy'u dida an paddungnay un'u nunggumu' dida
ta engganay unda numbalin hi hupu' unu pito' hinan kalata!o
43 At immannung an binaliwana' ay Apo Dios hinan nangohoy an tatagu
ta numbalinona' hi ap'apun di tataguh nan abablubabluy an ta"on hinan agguy nanginnilan ha"in.p
44 Ya an amin di ibaga' ya unudondaq
45 ti din buhul'u ya wumogwogdan mumpangabuhu' hinan nipo"oyanda
ta umalidan mumpa'ampan ha"in.r
46 At madayaw hi Apo Dios an wagwadah enggana!
Hiyay ay batu an nahamad hi ihi'ugan an mamaliw ay ha"in!s
47 Hiya nan Dios an mangiballoh hinan buhul'u,
at numbalinona' hi ap'apuh nan abablubabluyt
48 ti binaliwana' hinan aton nan mun'abungot an buhul'u,
at impabagtua'.u
49 At hiyanan nan anabagtun Apo Dios di hapihapito' hinan tataguh nan abablubabluy,
ya ikankanta' goh di pundayaw'un Hiyav
50 ti nangabakona' an alin pento'na,
ya impattignay anidugah di homo'nan ha"in an hi David ya hinan holag'uh enggana!w