Deuteronomy
Hay Aat Ten Liblu
Hay Nangitudo' eten Liblu: hi Moses (mu mid mapto' ya hi Joshua di nangitudo' hi negpongan nan chapter hi aat di natayan Moses).
Hay Nangitud'an da Moses eten Liblu: nan Hudyu.
Hay Pohdon nan Ngadan ten Liblun Ibaga: hay miyadwan uldin. Nidat hinan Hudyuy Uldin Apo Dios hinan Liblu an Exodus, ya mapidwah nan Liblu an Deuteronomy ti nun'atoy nan tatagun nangngol hinan nahhun an Uldin. Ya gapu ta magadyuh di atayan Moses at penhod Moses an ipidwan mangulgud hinan Uldin Apo Dios ay didan matagu ta adida ahan al'alliwan.
Hay Gutud hi Nangitud'anan ten Liblu: hidin 1250 B.C.
Hay Teman ten Liblu: hay ma'ahhapul an aton nan Hudyu ta adida mamolta.
Hay Outline ten Liblu:
Hay NAHHUN an mensahen Moses an intudunah nan Hudyu ya un matoy (1:1-4:43)
Hay MIYADWAN mensahen Moses an intudunah nan Hudyu ya un matoy (4:44-26:19)
Hay MIYATLUN mensahen Moses an intudunah nan Hudyu ya un matoy (27:1-8)
Hay MIYAPAT an mensahen Moses an intudunah nan Hudyu ya un matoy (27:9-10)
Hay MIYALEMAN mensahen Moses an intudunah nan Hudyu ya un matoy (27:11-28:68)
Hay MIYONOM an mensahen Moses an intudunah nan Hudyu ya un matoy (29:1-30:20)
Hay MIYAPITUN mensahen Moses an intudunah nan Hudyu ya un matoy (31:1-6)
Hay MIYAWALUN mensahen Moses an intudunah nan Hudyu ya un matoy (31:7-8) --- hi Joshua di intudtuduwana
Hay MIYAHIYAM an mensahen Moses an intudunah nan Hudyu ya un matoy (31:10-13)
Hay MIYAPULUN mensahen Moses an intudunah nan Hudyu ya un matoy (31:23) --- hi Joshua di intudtuduwana
Hay MIYAPULU TA OHAN mensahen Moses an intudunah nan Hudyu ya un matoy (31:24-29) --- nan papadiy intudtuduwana
Hay MIYAPULU TA DUWAN mensahen Moses an intudunah nan Hudyu ya un matoy (31:30-32:47)
Hay MIYAPULU TA TULUN mensahen Moses an intudunah nan Hudyu ya un matoy (33:1-34:12).