Numbers
Hay Aat Ten Liblu
Hay Nangitudo' eten Liblu: hi Moses.
Hay Nangitud'an Moses eten Liblu: nan Hudyu.
Hay Pohdon nan Ngadan ten Liblun Ibaga: bilang. Ya manu ay hiyah ne ngadan ten liblu ti impidwan nan Hudyun namilang hinan linala'in Hudyu ta innilaonday uyapda. Hay hopap di namilangandah nan linala'i ya wadah nan Num. 1:1-54; 3:1-4:49, ya nan miyadwan namilangandah nan linala'i ya wadah nan Num. 26:1-65.
Hay Gutud hi Nangitud'anan ten Liblu: hidin numbattanan di 1290 B.C. hi engganah din 1250 B.C.
Hay Teman ten Liblu: gapu ta nunduwaduwa nan mina'ma'ilog an Hudyuh aat nan ni'tulagan Apo Dios ay dida at agguyda bimmad'ang hinan Wangwang an Jordan ta umuydah nan babluy ad Canaan.
Hay Outline ten Liblu:
Hay na'at hinan Hudyuh NAN DUNTUG AN SINAI YA UNDA LIMMANE'LE'OD an immuy ad Canaan (1:1-10:36)
Hay inatdah di ya numbilangdah nan titindalu, ya holag Levi, ya nan papangpangullu, ya nan linala'in holag Levi an mabalin an muntamu (1:1-4:49)
Hay inatdah di ya impaphodday kampuda (2:1-34)
Hay inatdah di ya inadalday udumnan Uldin Apo Dios (5:1-10:10)
Hay inatdah di ya numbehtadah nan Namaliwan di Anghel Apo Dios hinan Hudyuh din Penghana (9:1-14)
Hay inatdah di ya inyammaday duwan talampetda (10:1-10)
Hay inatdah di ya nakakda (10:11-36)
Hay na'at hinan Hudyuh NAN MAPULUN HIDIN NUNLE'LE'DANDAN immuy ad Canaan (11:1-21:9)
Hay inatdah di ya gunda nunlilin Apo Dios (11:1-21:29)
Hay inatdah di ya inadalday udumnan Uldin Apo Dios (15:1-19:22)
Hay na'at hinan Hudyuh NAN NUMBINO'OB'ON AN BABLUY AN NEHEGGON HINAN BABLUY hi immayandad Canaan (20:14-36:13)
Hay inatdah di ya dinamuda nan mi'buhul ay dida an nan i'Edom, ya nan i'Arad, ya nan i'Amor, ya nan iMoab, ya nan iMidian (20:14-31:54)
Hay inatdah di ya impidwadan numbilang hi tindalu (26:1-65)
Hay inatdah di ya implanuday ma'at hi unda umatam ad Canaan (27:1-36:13)
Hay inatdah di ya intudo' Moses nan ngadan di abablubabluy hi immaya'ayanda (33:1-49)
Hay inatdah di ya nuntudtuduh Moses ay didah aat di abulubulul (33:50-56).