Pechir Tlakəu kwa shili
4
1 Ənghwandə Tlakəu, <<Vəlvəl bəji kwa shili; kwa gəɗə wi hu'u. Dəhə njir həkəra kərnənda ana njir mər sə ɗimi kwa ɗa ka chiva, atə bəji nga nda kwa nginda dzə kəɗətsəu.A ngilang, ndara cha wuə da njo ngyari wa.>> 2 Kəl ja, nahi inda kwa ləvər tləm ɗa, pəchir jiri kwa zəbiya ana mbandə ku baɓəka cha. Hyo zəbiya fəla wi ndəkə nguli daləu nda nja pəlnda tə mba. 3 Tlakə tə na, <<Hyo ndərəɓənda nji ɗimi; pishinda ndo ɗa ka pətsəɗəu a da kiɗa hya hi ma ya mər sə'inga.>>4 <<Hya ɗənghatə gadlagadla nə kadakaliya ɗa Musa, tsaubar ana gadlagadla nda ya nənyi kyo Mə Sinai nə dəhəkura njir Israila. 5 <<Dzama, yo sətə hi Iliya ndər Mətakər təvi pəchi dəgal nə ləvəra nə Tlakə kwa shili. 6 Cho shandə ɗufwa Ada i ya kəra ngulisha, ɗufwa ngulisha tsəu ya tə kəra Ada i; ma'a əngə wa yo shili shu'unda hə'i nga.>>