3
1 <<La'a, yo sətə changhabal ɗa, ndo shili ɓatliya laku təvi yo shili. Tlakə ngə ko gwa'a nga kwa shili ku mbwa'alə nyi; Changhabal nə alkawal nda chimə ka, o shili,>> sənda Tlakə ndər gyalkur tə na nga.
2 Amma wa kwa mbar susutə pəchir shili nya? Wa kwa nau ta'i ma sakanda cha chabiya dza? Aka cho ɗa wi ngə tə kyara hu'u nda kwa nandə lyang, əngə wa wi ambul nda na dunama kwa chinda hiɗa nda ku dzaki. 3 cho shili ngya wi ngə ndər təɗə bijingha, cho nginda ɓwaɓwa nyi. cho chinda fərist, cho təɗəbiya nda wi nngə tə zinariya ana bijingha, tsaka ndo ɓəla nau shilna hatəmachi nda Tlakə kwa dləutsi. 4 Ka əngə tsəu, ga'a nda njir Yahuda ana Urshalima kwa shili nə Tlakə kwa dləutsə wi nda haɗa.
5 Tlakə ndər gyalkur tə na,<< yo shili ləhə dzəngha ka mər nəuma. Ɗəɗəu yo chabiya bikər njir bushin, njir mər kasali ana njir tlagəzhi, ana nji inda kwa ɗəa njir uzakən təkəra wazəba kənda, nji inda kwa nənyi ɓwaɓwatə nə mahi'i təsal ana nugli magha, kwa ɗəa muhiɓi ku tar jirikur, a da nda kwa ləvər ɗa wa.
6 <<Naya Tlakə da ya kwa sha wa. Nacha gwa'atə nahi nya ndəla Yakubu, a nja ta zhazhinda hiwa.