18
1 Tlakə tə natə ɗa,2 <<Hya'atə ka ma'i səyo ki ndər hər təm nga, yo səya ndər naka kinda,>>3 Təma ngə ya təra səyo ki ndər hər təm nda, ya səya la'anyi cho mər tlər tə ganganyi.4 Amma təm nda cho shatənda tə səwa tanyi ku cha cha, təm ngə cha shandə ka vanya təm pamaəu, cha shatəbiya wi nda cha kwa i sənya ti.
5 Təma ngə Tlakə tə natə ɗa: 6 <<Nahi njir Israila, a da ya kwa mbar mər nahi wi ngə ndər hər təm ngə tə mər ma?>>ngə Tlaka na, <<Wi ngə nyingha nga ku cha ndər hər təm, əngə nga hi ku cha ya. na njir Israila. 7 Dəhə bəji nda ya na yo təsənda, yo ɓəɓəlanda, yo zhazhinda vanya hə'i ndara təlkur kənda, 8 amma ma hə'i nda tə sha ga ngyari mər ɗimikur, yo ngyar sənda ya na yo nda məra. 9 Ətsəu, ku dəhə sakanda ya na yo həra ndara yo chiya vanya hə'i ndara təlkur, 10 amma ngə hə'i nda tə ngyar nəu nya ya ka mər sə ɗimi, a da tsəu yo mər sənda ya na yo nda mər nda wa.