17
5 Janə sənda Tlakə tə na:
<<Ndə shushu'u nga ndə kwa wovi na ndəu,
ndə nda kwa ngya ka dunama nə ndəkurndu
nda ɗəfwa cha tə sha tsa nəu Tlakəu.
6 Cho ɗa wi ngə tə sar ku dadil takəu;
a cho la'a sakanda mənakur kwa shiltə wa.
Cho ngyatə mbwa 'ul'ul nə dadil takəu,
mbwa wuna nda pa ndəa kwa ngya ti.
7 <<Amma ndər papa'akur nga, ndə nda kwa wovi na Tlakəu,
ndə nda kwa fəkər da nacha Tlakəu.
8 Cho ngya wi ngə tə wu nda nja chiya tə nyadəl
nda ngilangha kwa whi gu dlələm.
A cha kwa ləvər wakwaɗəkur pəchi wa;
hyali nyi kwa maka ngya dukuduku.
A cho ɗəngha fa nda na kuli wa
ya cha kwa tsau ya wa.
9 Ɗəfu ndiya tə dəhə sə na shakər
ya kəmangər.
wa kwa nau zəndəbiya nya?
10 <<Naya Tlakə ndər ngwahi ɗəfu na,
yo dzə jigadəma ka zəndəbiya sənda tə ɗuwa
yo nənya nə dəhə nji wazəba kənda i,
məlməlna sənda tlər kənda tə chari.>>