60
5 Chul səmdzən nda ya natə hi hya mər nənya? pəchi zhang tanyi ndəa nənyi ɓwaɓwatə nəkərnyi?
Aka ndəa ngəya kəra cha tanyi wi ngə gədzal
ana cha piyatanyi tə guzhalguzhal ana aku pətsəɗa?
Nacha ngə hyo səmdzən?
Hyo ɗari wi Tlakə kwa ngatə msəɗakəkur ni?
6 <<A da nəngə chul səmdzən nda ya natə hi wa:
hya pəlnda sə'i nə kəməngərkur,
nja pəlya nji inda tə mba,
nja wunəya nji inda ku ɓwaɓwatu.
7 Hya təkəya sərsum kəhi ka nji nda kwa ngatə huɓa
nji ɗalɗali nda kwa wi hya nənda mbwar ngya. Hya nənyi dzaki nə nji nda kəla da ni nda handzi, ətsəu ngwa hya da ngyari vala njikəhi wa.
8 <<Ənga manəkəkur ɗa kwa mbəl təkəra hi wi ngə tə pəchi nə mbudla, kəti kəhi tsəu kwa wur kusu. Kala biji tsa'a ka hi ka ya dləuya hi; ngya ɗa kə'i hi kwa ɓəlatə hi. 9 Sakanda hya pətlənya ti, yo wum nə hi. Ma hya nga ɗa, yo ngatə hi.
<<Ma hya ngyari mər pəla'akur, hya ta'indi cha kərnəhi na cha ana mər ɗimikur; 10 ma hya nənyi sərsum nə njir ngatə huɓa ngə hya nyandə nji nda kwa chima, ba kutlə nga təkəra hi nga shaka vi mbəlmbəl wi ngə tə puchi talalanghə. 11 Ya wa'atanyi yo nəuna hi, yo nyandə hi na sə mənakə i. Yo ɓatlə təhi na dunama na yiyinghə. Hyo ɗa wi fa nda na ɓiti kwa yavəyavəu, wi tsədzəɗər ɓiti nda pa kwa shu'ua.