57
11 <<Wa ngə ko ləvər tsari ənga
nda ma'a ko tla gəzhi na'a,
nda a tsəu ko ɗanghatə ɗa ndara
ko jigadəma təkəra ya ku ɗəfwa kə wa?
A da ka ngam ya da'ataɗa shung nga
nda a tsəu ko ləvər ɗa wa ma?
12 Yo chabiya dəhə tlər ngə go na mənakə nga tə babal,
ya a da ndo ɗa sakəda nənghə wa.
13 Ma sakanda ka tiwi ka vala,
ngwa katə nghə ingə ka tsəmətə nga dləuya ngha!
gyang kwa fa'anda nda dəhəu,
sə pi (ifətə) tanyi kwa təra na nda.
Amma ndə nda tə fiya ka vir mbunyi
kwa fa'abiya ki na hə'i nga
ya kwa hətə mə karti nga ka nənyi.
14 Ya nja kwa na:
<<Hərtə ma, hərtə ma, ɓatləya ma laku!
Fa'abiyama mətəktlə ku lakur nji ɗa i.>>
15 Aka na cha ngə sənda Hyel nda dəgal ana karti tə na,
nacha nda kwa ngya ba'anawa, nda tləm nyi karti:
<<Yo ngyatə mbwa dzəgamə ana mbwa karti,
amma tsəu ana ndə nda kwa tubi ana həyakər ku shanguɗəu,
ka cha tsətənyi shanguɗə nə nji nda na həyakər
ana cha tsətənyi ɗəfwa njir tubi.
16 A da yo ɗa ka ndər dawa nghə wa ka ba'anawa;
ndara yo huɗətla na ka wa'atanyi wa,
aka ma ya mər nga dəhə nji kwa kuɗa,
dəhə pya nji nda ya məra.
17 A mərtəya huɗətla na səpəla'a nyi ana huɓər sənyi;
ya ɓu nyi, ga mbunda huɗəma ya ku huɗətla,
dəhə ka ənga cha ngya tanyi ku mər sənda kəra cha hari.
18 A la'a təya laku, amma yo mbandə yi;
yo nəuna cha, yo fətənyi ɗəfu,
19 yo shilna fala ku nya njir sə'ingu da ku Israila.
pyarɗəfu nə nji nda naɗəu ana ləhəu,>> ənghwandə Tlakəu. <<Ya yo mbandə nda.>>
20 Amma nji kəmangər wi dəl nda kwa fiyi nda,
nda da kwa ɓəlsar wa,
ɓiti nyi kwa gwaɗəndza ana tsaɓu ya dyadyaɓəu.
21 <<Hyel tə na, <<A pyarɗəfu da nə nji kəmangər wa.>>