49
8 Janə sənda Tlakə tə na: <<Aku biji nə mənakəkur ɗa yo wuma nəngha, ana atə pəchir dləuya yo vala ngha; yo ɓəlatə ngha, yo mərtə nghə ka na'awa alkawal, təwa ngha yo ɓəlandə hə'i Israila səkəu, kwa ɗa ka sər fa'a ki kənda. 9 nja nar nyi nə nji nda tə mba, <zəbiya ma> anə nji nda ku kutla, <Shilma ku vi mbəlmbəla.> << Ndo shil ɓəla tə nya laku ya ndo uya sar tə dəgəl nda ɓiɓirəm. 10 Nda ndo ngatə huɓa ndara hili wa, ndara kwakwaɗəkur dadil ndara pəchi nda kwa dəda nda. Nacha nda na tuhuɗə kəranda kwa nəu na nda kwa char nda mbwar tsədzəɗər ɓiti. 11 Yo shandə dəhə mə ɗa aka laku, laku ɗa dalɓə kwa hya'atə. 12 Ndzama, ndo shili hya'atə naɗəu, alinyi təwa voa, alinyi təwa təɗərpəchi, alinyi hya'atə tə hə'i sin. 13 Na ma miya, nahi huɗamələm; mər ma hirgyaɗi, nahi dunəya; hya'andə ma miya, nahi kəramə i! Aka Tlakə fiyanyi tə ɗufu nə nji'inda nənyi ana cho ngatə tuhuɗə nji nyi'inda ku ɓwaɓwatu.
14 Kəl ja, ngə Sihiyona na, <<Tlakə ngya ɗa ti,
Tlakə fartə naya.>>
15 <<Ama kwa nau farna zər nda nya 'uwa,
a da cha kwa ngatə tuhuɗə zər nda yi ya cha wa?
Ma da cho nau fari,
A da ya kwa far nakə wa!
16 La'a, janə ya tsəfətə tləm nghə tə huɗə cha ya;
Wa'atanyi jigadəma tlavər ki (garu) nə Ushaslima nda dladlanyi ku kəra ya.