Kadakaliya Tlakəu
42
1 <<Janə kadakaliya ɗa, nda ya kwa tsətənyi fwal. Nacha ngə ya tabiya, nda yo ngatə məsɗakəkur na cha; yo nyandə nyi na Shanguɗə ɗa, ya cho shilna nəuma nda na jiri nə dəhə nji. 2 A da cho tsəa, ndara ləla, ndara cha ndərə na kurakə dzəgamdzəgam ku yawuraki wa. 3 Nji kəla dunama cho pətətə nda, a da cho chiya təkəsə nda kwa mər ear wa. A ku jirikur cho shilna nəuma; 4 a da cho təutə ndara cha ɗa gərəch wa, kəl sakanda cha shilna nəuma nda na jiri ku dunəya. Njir hə'i naɗəu kwa fəkər da tsaubar nyi.>> 5 Janə sənda Hyel Tlakə tə na, nacha nda tə ɓatlə huɗamələm ga səya nyi, nacha nda tə mər hə'i ana dəhə sənda tə biya kwa, ndə nda tə mərtə dəhə nji kwa səpi, ga nənyi pi nə dəhə nji'inda kwa ma'i kwa. 6 <<Naya Tlakə tə nga ngha aku tsatsa'akur; yo gəzəya cha ka. Yo gəzəya ngha yo shandə nghə ka alkawal nə na'awa nji ana vi mbəmbəl nə nji kəla zəndə Hyel, 7 ka mbəɗiya lya njir wuləfə, ka pəlnda nji'inda tə mba ku jarum ana ka fa'abiya nji inda na ngya ku kutla. 8 <<Naya ngə Tlakəu; əngə tləm ɗa! A da ya kwa nənyi səli ɗa nə vanya sə ndara na'ana fala nə katəu wa. 9 Dəhə takər nda ya mər ha'aɗa a ngyatə jiri, janə taɗər takər nda yo ɓəla mər səkəu. Yo nar nyi sənda kwa ɗa biyama təvi cho ɗa.>>