35
1 Dadil ana takəu kwa mər hirgyaɗi ku bəji nda. Dadil tsəu kwa mər hirgyaɗi, mambəl kwa zəbiya ku hə'i kəla sakəda. 2 Vələu, mambəl kwa ɗa gwang kwa na miya kwa mər hirgyaɗi! Dadil kwa ɗa dugudugu wi ngə tə mə Lebanon, mənakə gagaɗa wi kəramə Karmel ma'awa babal Sharon. Tang da Tlakə kwa chabiya səlinyi, ndo la'a səli nda Hyel kəmən ni. 3 Hya tsətənyi fwal nə nji kəla dunama, hya fətənyi ɗufu nə nji nda tə həɗa; 4 hya nar nyi nə nji'inda na ləvəra ku ɗufwanda, <<Fiya ma ɗufwa hi, ngwa hya da ləvər wa; Hyel kəhi kwa shili, cho shilna səkur, cho shilna wazəba nə Hyelkurnyi, cho shil dləuya hi.>> 5 Ma cha shili, cho mbəɗiya lya njir wulfəu ana njir himi dada. 6 Njir gadal kwa fəla wi kanyaɗəu, ana nji inda kəla kwa nau ndəra kwa na miya ka ngam hirgyaɗi! tsədzəɗəu kwa ndəla ku takəu, ana dlələm tsəu kwa ləɓətə dadil. 7 Mbwa tsatsah kwa ɗa ka fa'a, tsədzəɗər ɓiti kwa nyandə hə'i nda na hili. Mbwa nda gakəu kwa ngyatə haɗa, kwa tsandə sar, tlafə, ana hyali.