29
16 Nda gwazhiya səu, wa ngə tə ndiya na sakəda, ndər təm zəma a nyingha? Sənda ka ɓatlə kwa nau narngha, << Da naka ɓatlə ɗa wa?>> ndara cha na, <<Da ko zəndə sənda ko mər wa?>>
17 Wi nda ba'adar ɓwanya tə na, səkar dzə kushiu kubu kwa ɗa ka fa, fa tsəu kwa ɗa ka kubu.
18 Ma bəji ngə tə shili, nji dadahimi kwa nau ngatə ma njo kəratsən likatkatə na kurakəu, njir wuləfəu, nda ngya ku kutla, kwa mbəɗiya lyanda ndo nəɗə səu. 19 Njir ɗali ana nji nda na həyakər kwa ɓəla uya hirgyaɗi səkəu, nda Hyel Tlakə ndə Karti nə Israila kwa nənda. 20 Njir ɗavi kwa zhazhinda dza, njir həyatəvi kwa səa, ana dəhə nji nda kwa maka shilna ɗimikur kwa kuɗa. Kala ndər mər səpəla'a njo tsəyanyi. 21 Hyel kwa kuɗənda dəhə nji nda kwa ɗəa alinya nji, nji indo maka katə nja da ɓu njir pu'ikur, ana nji nda kwa tla gəzhi ka nda katə njir jiri tsa chari sənda tə ki.
22 Aka ənga janə sənda Tlakə nda tə mbənɗandə Abraham, tə na nə ki Yakubu:
<<A tsəu Yakubu da kwa sa kuzhi səkə wa; a tsəu huɗəma nda kwa ɗa ndalndalnyi wa. 23 Ma sakanda nda la'a ngulisha'a kənda ku pama nda, tlər cha ya, ndo ɓəlatə tləm ɗa na Karti; ndo zəndə biya kartikur nə ndə Karti nə Yakubu, ndo ta'i ku ləvər Hyel nə Israila. 24 Nji kəkəng kwa uya zəndəbiya, nji nda kwa huhuni tsəu nda dləukəri na dlədləɓa.