8
11 Tlakə tə ndəra na'a, ana cha cha nə gyalkur təkəra ya, cha tsauɗa bar,
ənda ngwa ya da nəu lakur nji nə wa. Cha na:
12 << Ngwa ka mbanya pəla'akur
na kala nji inda kwa mbanya pəla'akur wa;
ngwa ka da ləvər sənda nda kwa ləvər wa,
ya ngwa da tsamətlaɗə wa.
13 Tlakə ndər gyalkur zhang tanyi ngə ko hətə Karti,
ngə nacha zhang tanyi ngə ko ləvəra,
nacha zhang tanyi ngə ko tsamətlaɗə tsari,
14 ya cho ɗa ka mbwa'alə,
amma nə kya'akura ki Israila cho ɗa ka
mangu tləhi nə nji,
hangu nda kwa gwa'atə ndo dla.
A nə njir Urshalima tsəu, cho ɗa ka ləbam na daliveng.
15 Ɗang nda kwa dla;
ndo dla kwa ɓəɓəla,
ndo gwa ku daliveng njo səyanda.>>
16 Mbatə ngəna dlədləɓa
ka nyutə ngəna gadlagadla ku pampama shawa i.