18
13 Aku kwabəfwaɗəkunya far Hezekiya ku təlkur, Senacherib təl Asiriya tə dla'a dəhə mələm i'i nə Yahuda inda ku ɓangtili ga kura nda.14 Ngə Hezekiya təl Yahuda tə sətə nyi mafakə nə təl Asiriya vu Lakish bəra, <<A zandə tə ya səu. Ngya pah mələm ɗa, naya tsə'u yo kinda nghə dəhə sə nda ko gwa'a.>> Ngə təl Asiriya tə dləutsə talent nə azurfa 300, ana talent nə bəjingha makərkumnyi.15 Aka ənga Hezekiya tə nə nyi dəhə azurfa inda cha uya ku mbwa'alə Tlakəu ana ku məɗəwa nə patla təl.16 A tə bəji nga Hezekiya təl Yahuda tə hiɗənda bəjingha inda dzər sər haɗə nyavi ana shimbal nyavi nə mbwa'alə Tlakəu, ga nə nyi nə təl Asiriya.
Senacharib tə Tau nyi Ləvər ku Urshalima