کِتابِ اوّلِ سموئیل
پیشگُفتار
نامِ امزی کِتاب از نامِ سموئیل پَیغمبر گِرِفته شُده، از نامِ کسی که آخرِین قاضی بَنی اِسرائیل بُود. مَوضوعِ اوّلِ کِتاب دَ بارِه سموئیل پَیغمبر و عیلی پیشوا اَسته. بعد ازُو دَ بارِه ازی که مردُم از سموئیل تقاضا مُونه تا دَ بَلِه ازوا پادشاه تعیِین کنه و سموئیل تمامِ شرط و شرایطِ پادشاه ره بَلدِه مردُم تشریح کده شائول ره دَ بَلِه ازوا پادشاه تعیِین مُوکُنه.
اِدامِه مَوضوع دَ بارِه شائول اَسته که دَ دَورونِ پادشاهی خُو از اَمرِ خُدا سرپیچی مُونه و چندِین بار اَمرِ خُدا ره دَ جای نَمیره؛ و خُدا دَ سموئیل اَمر مُونه که داوُود ره مَسَح کده پادشاه تعیِین کُنه. ازی اُوسُو مَوضوعِ کِتاب دَ بارِه دُشمَنی شائول قد داوُود و دُوتا کدونِ داوُود دَ پناهگاه ها و مُلک های فَلَسطِینیا اَسته؛ و بِلآخِره دَ بارِه کُشته شُدونِ شائول و سِه باچِه شی دَ جنگ قد فَلَسطِینیا.
دُو کلامِ مشهُور دَ امزی کِتاب وجُود دَره که یگ شی دَ فصلِ ۲ آیِه ۳۰ اَسته: ”کسای که مَره اِحترام کنه، ما اِحترام مُونُم، لیکِن کسای که مَره تحقِیر-و-تَوهِین کنه، خار-و-ذلِیل مُوشه.“ و دِیگِه شی دَ فصلِ ۱۶ آیِه ۷ اَسته: ”خُداوند رقمِ اِنسان توخ نَمُونه؛ اِنسان دَ ظاهِرِ نفر توخ مُونه، لیکِن خُداوند دِل ره توخ مُونه.“
فهرِستِ عِنوانها
اِلقانه (فصلِ ۱:۱)
وَقف کدونِ سموئیل (۱:۱)
دُعای حَنّا (۲:۱)
باچه های عیلی (۲:۱۲)
پیشگویی دَ ضِدِ خانَوارِ عیلی (۱۲:۲۷)
خُداوند دَ سموئیل ظاهِر مُوشه (۳:۱)
صندُوقِ عهدِ خُداوند ره فَلَسطِینیا مِیگِیره (۴:۱)
فَوتِ عیلی (۴:۱۲)
صندُوقِ خُدا دَ فَلَسطِین (۵:۱)
صندُوق پس دَ اِسرائیل مییه (۶:۱)
مردُمِ اِسرائیل پادشاه میخایه (۸:۱)
شائول پادشاه اِنتِخاب مُوشه (۹:۱)
شائول عمونیا ره شِکست مِیدیه (۱۱:۱)
توره های آخِرِ سموئیل (۱۲:۱)
سموئیل شائول ره سرزنِش مُونه (۱۳:۱)
حملِه یوناتان دَ بَلِه فَلَسطِینیا (۱۴:۱)
یوناتان عسل مُوخوره (۱۴:۲۴)
خانَوارِ شائول (۱۴:۴۹)
جنگ قد عمالیقیا (۱۵:۱)
سموئیل داوُود ره مَسَح مُونه (۱۶:۱)
داوُود دَ خِدمتِ شائول (۱۶:۱۴)
داوُود و جُلیات (۱۷:۱)
حسادت شائول (۱۸:۱)
شائول قَصدِ کُشتونِ داوُود ره مُونه (۱۹:۱)
داوُود و یوناتان (۲۰:۱)
داوُود دَ نوب موره (۲۱:۱)
داوُود دَ جَت موره (۲۱:۱۰)
داوُود دَ عَدُلام و مِصفه موره (۲۲:۱)
شائول پیشوایونِ منطقِه نوب ره مُوکُشه (۲۲:۶)
داوُود مردُمای قعِیله ره نِجات مِیدیه (۲۳:۱)
شائول داوُود ره دُمبال مُونه (۲۳:۷)
داوُود از کُشتونِ شائول دِست باله مُونه (۲۴:۱)
فَوتِ سموئیل (۲۵:۱)
داوُود بسم از کُشتونِ شائول دِست باله مُونه (۲۶:۱)
داوُود دَ مینکلِ فَلسطِینیا (۲۷:۱)
شائول و خاتُونی که اَرواحِ مُردا ره حاضِر مُونه (۲۸:۱)
اَخِیش داوُود ره پس دَ صِقلَگ رَیی مُونه (۲۹:۱)
داوُود دَ بَلِه عمالیقیا پیروز مُوشه (۳۰:۱)
مَرگِ شائول و باچه های شی (۳۱:۱)