SRAT NABI MIKHA
NIHYET GI BIBIE TUT
Nabi Mikha ntun keret Yehuda him ei nite bei mpia nibiho ba, noni tri tut nihyet sur yam kin nijam di Yesaya tri tut nihyet. Noni kan tut bipia Allah mikes hukum ei mben Yehuda dip noyam kin hukum di Nabi Amos tri tut bak mben Israel di ibong ei nite bei mpia nijjai. Mikha ndo brei biyok bipia Allah mikes hukum ei mben Yehuda dip lewo imbuk bibor ba, ingon koi kep yam cem. Noro nihyet di Mikha tri tut ndo bindo tut mun di kei di mipek kep mem yok ei nidipti bu.
Suar nye di mbusyamei nya igyok ngon kep hanjop nsi ei srat dini di pui sut Allah Ninyeng Di Tak Kep Dihyeisi Dini mpe di tungwatu nya yahagom ingon kwes kin yam (4:1-4) kin nihyet tut nibou ndig di ninyeng jei di ntun Daud him di bindei ba, mben Yehuda yahagom ingon kwes kin yam (5:2-4) kin ayat gom ngat di rop ninda ndigsi tut nabi Israel yahagom ingon kanti tirigi itri tut ighyet bipai <<Suar nyeni igyai munti nya hagom sren kei bibrim ingkek mem ningondut yamti cem bingon ngakei Noni cem buug hon nohonti bi ba, igyaijo nok gom bit ide Allah lene iba ibou coi mem Noni cem.>> (6:8).
Nirop Ninda Ndigsi
Hukum di micut igkep mben Israel kin mben Yehuda 1:1--3:12
Allah mipindi yok leu api yahagom ingon kwes kin yam hanyen 4:1--5:15
Nabi Mikha sok kep mben Israel bibiwin kep ingonti 6:1--7:20