SRAT NABI YUNUS
NIHYET GI BIBIE TUT
Srat Nabi Yunus kin srat nabi nindigsi nya ei Gi Preu Nitimieiti ter leu yam. Lewo srat dini pai sut mun di cut igkep Yunus tirigi noni bit Allah nihyet bi. Allah cuk noni ug ei mben Asyur di isindem bibor ide minu ndig pmem Niniwe lo, mben Asyur ne inok siceu ndam mben Israel. Yunus kou sut gima ug tri tut Allah nihyet biyok lewo noni kan mungkun bipia gino mben Niniwe ittin ser ide sisar lene Allah mikes hukum ei minu dima dip bit leu nok nitin eisi bi. Niabiati mun di bindei ba, Yunus nggap leu tut mun di cut igkep noni ne luei ningonti bibit TUHAN nicuk noti. Noro tirigi Allah kes hukum ei yo dima dip bi lene Yunus lua sok nindig bibor.
Srat dini ndo brei binye bipia Allah ninyeng tak kep mun di Noni pai tes nya hagom. Noro gi bon ninyeng rino srat dini ndo brei binye bipia Allah ngondut tungwatu nya biningon nggriu sut yok. Noni tin ei mem gima kos tut Nide siceu nya ide sisar biteu yok leu hukum dor njiriek gima kes hukum ei yok dip bibindei ba, itimek bingwig.
Nirop Ninda Ndigsi
Allah hig Yunus noro noni bit nihyet bi 1:1-17
Yunus ttin ser nide sisar leu api ningwes ngun leu wau ndig ninghopti 2:1-10
Yunus sok kep mben Niniwe tut hukum di micut igkep yok 3:1-10
Allah ngondut mben Niniwe 4:1-11