13
1 Dingat mun pima yok bou diyai him bidimiap hagom ba, dikan tut mungkun tu.2 Dingat mun di jitri tut pima bou diyai him bidimiap kep tu apino dingon dor niti. Gima rino ma jikan bipia mun di jikan tut nya dima dor njiriek mun di dikan tut nya au!
3 Noro dijoi sut dimbrap tut ditde munhyet bit No Di Sindem Bibor bidimbrap gau danti tut munhyet di srou da ei Allah Noho bei.
4 Lewo jiba niris mun biku jide ningon mbumti. Jidem kep dokter nitrowai nya di ibindei ba, hi kei hanyen bi.
5 Gino jimbrap bi lene mpaba nindigsi nya ikan pia jingon ki!
6 Gima rino ma jikimut juhui bibou dimbrap gau ditde munhyet ug e. Jingig jitingou mem dihyet.
7 Ma jikan bipia jiba jide niris munti pima bimbrap gau Allah bijiba jihyet di igbit bi bahati tut Noni au!
8 Jidem mem gima jitti kin Allah bijimbrap gau Noni noyam kin no di mbrap gau tungwatu nya ei nikei noho bei e?
9 Gino Allah ngig niyai kep je lene mingat ningat di kei hi di ntun je him e? Bon jiris biNoni dem kep nok jiris bak tungwatu nya e?
10 Ningat ne Noni mikes hukum kros ei jeni dip gino jitti kin tungwatu nya niku.
11 Allah de nikei-kau-keisi mibindei ba, jidigit tut Noni bi e? Nide nisindem biborti mibindei ba, jingon digit bi e?
12 Jide nipingok dati nya hagom dem kep atriem ndung di bon ninyeng bi. Jide nimbrap gau dati hagom dem kep igtuyap di krop kei di kimbo hak.
13 Gima rino ma jikimut juhui hak bijibon nituti mem da bidimbrap! Nnaba mun di mipek kep mem da drek dip dimbrapti dini bon ninyeng mem da bi!
14 Ditin ei mem gima dimai drek dip mun di pek kep mem da!
15 Dingon cut leu su! Nna ug! Gino Allah kos tut mem gima yai nimai bida lene dikes danti ei nindati. Mbro nok gima lo, midimbrap gau dibon munti nya ei Noho bei.
16 Hi rima gi dibrim dingkek biduug ndam Noni dima mibindei ba, dingwes ngun lewo ningat ne no di sibut mibrim ningkek buug ndam Allah bi.
17 Nogindini ma jingig jitingou mem dihyet ba, jimiap mungkun. Ma jiyok ngon kep nimbot kepti di dipai brei bije.
18 Ditin ei mem gima dimbrap gau munhyet di bitut danti. Dikan tut bipia bit bon Allah pai kep da drek dip kan bi!
19 TUHAN e, gino akwei pai kep da lene midigwam nyahan bidibet dingon mem diyaijo ningwig honti.
20 Ma abuhup bida tut mun nyeng can di dahara mem dini leu binhyepo dibrim dingkek bidihwou ya ei Aho bei.
21 Nigom rino ma akes hon ba, ahwen bit da bu au. Lene nican rino ma abindei ba, dingon digit drek dip Ade nico kep dati au!
22 Ambrap bibie leu api dibuhup hanyen biNa. Gi bi ne handei kon ba, dimbrap bibie leu api abuhup hanyen bida!
23 Mun di ditunggwei sut kin sisar di dibon nya nimangti pig i? Ma ambot kep ditde nitunggweisi nya hagom bida!
24 Nggon rino aom Na leu ba, aba angha bida i? Nggon rino abibon da nok Ade nitok i?
25 Dinok biei meng di hou yai di llet he. Leu api nggon rino abindei ba, didigit i? Dinok gandum nintam di mui bimbris. Leu api nggon rino ahuk da ninyen i?
26 Akos tut mun di mpo-mpam di cut igkep da. Abindei ba, suar dibiang nibuhunti drek dip ditde niyai mun tunggweisi ei mpe di po dipilei yo pima.
27 Aba lante ngkimom nitu biteu dimig ba, ayok ayai kep diyai da nyenti cem. Ningat ne dimig jou tieisi jo nding leu ayai him bi.
28 Apino diyaijoti dem kep nok biei di nggun bikroi cem ba, noyam kin minghas di cipo kin ba, mpiei cem.