7
1 Tirigi niwin ngug tig biput leu lene nipek dimbou nimeng nya kin nidihim cem. Lene dicuk yo di igya ser dimbou pmem nya kin yo di ipai kep doia nya kin Lewi nya ba, yahagom igyai kep ide midyai nya. 2 Lene dikes midyai nibou ningig niyai kep minu ndig Yerusalemti bak disut Hanani lene Hananya bi nok nibou mem tentara nibousi di igya coi. Hananya ttin tut Allah ba, limwa nya iba ingon com noni dor njiriek nibou nindigsi nya. 3 Dicuk yok <<Tirigi njap tek bindig ei dihyeiti tu lene suar jikau dimbou pmem nya. Lene suar jinggam dimbou nya hanyen ba, jiba biei bikibi kep hagom bingkiem nipou tirigi yo di igya ser dimbou pmem nuhui bipek mmunti nya ikes hon bimbut bigyo. Ter leu yo di igya ser dima lene suar jindo timiei minu ndig Yerusalem nya bihi ba, inok hansip nya bigya ser mem mmun a. Jikwas yok ba, bihi igya ser mpia di igya ser kigkepti nya lene bihi imbut bigya ser mpia di jo ttai ide ig him nya.>>Daptar di tibim tut nimpung di ingkwei hanyen leu ingkiaisi
(Ezr. 2:1-70)
4 Minu ndig Yerusalem bres bibor noro timiei nya ibou poi he. Lene ig cem igiwin mang bigyo. 5 Gima rino Allah pingok ei dingonti leu binhyepo dinduk limwa nya kin ide nibou nya kin yo di inyeng jei nya ba, dikwop imangti bit leu ide pung di intun him di daptar tibim tut. Mpe dima lene dittau kep daptar tut yo di ingkwei hanyen leu ingkiaisi gi nimbie him ngat inyeng di joti. Nibimbiti di diyai leu daptar di ipas dima jo bijehei dini jug.
6 Yo di inok awak ei ingkiaisi imang bibor ikiju bimbut hak leu minu Babel bingkwei hanyen kwei ei minu ndig Yerusalem kin hanjop Yehuda. Ba, bikwop tungwagom-gom ngkwei hanyen kwei ei nitimieisi hanyen. Yo dima ibong kikau ei ingkiaisi ei minu Babel habiei leu nimbie him di Nibou Ndig Nebukadnezar kri yok ug ei minu Babel. 7 Ide nibou di ibie tut yok di ingkwei hanyen leu ingkiaisi kwei dima inyeng rino Zerubabel kin Yesua kin Nehemia kin Azarya kin Raamya kin Nahamani kin Mordekhai kin Bilsan kin Misperet kin Bigwai kin Nehum kin Baana.
8-25 Gini ne daptar tut nimpung Israel insi de nya bikwop imangti di ingkwei hanyen leu ingkiaisi ri. Paros ninsi de nya ibou sribu can sratus gom ningot muhwindacan can kin Sefaca ninsi de nya ibou sratus ningai ningot muhwindacan ba, can kin Arah ninsi de nya ibou sratus muhwindagom ningot muhwi ba, can kin Pahat-Moab ninsi de nya (no dini ntun Yesua Yoab nya him) ibou sribu can sratus muhwindaningai simnaimuhwidip brimigtehiningai kin Elam ninsi de nya ibou sribu gom sratus can ningot muhwi ba, bitai kin Zatu ninsi de nya ibou sratus muhwindaningai ningot bitai ba, muhwi kin Zakai ninsi de nya ibou sratus muhwindacan ningot muhwindagom kin Binui ninsi de nya ibou sratus muhwindagom ningot bitai ba, muhwindaningai kin Bebai ninsi de nya ibou sratus muhwindagom ningot can ba, muhwindaningai kin Azgad ninsi de nya ibou sribu can sratus ningai ningot can ba, can kin Adonikam ninsi de nya ibou sratus muhwindagom ningot muhwindagom ba, muhwindacan kin Bigwai ninsi de nya ibou sribu can ningot muhwi ba, muhwindagom kin Adin ninsi de nya ibou sratus bitai ningot muhwi ba, bitai kin Ater ninsi de nya (ninyeng hi Hizkia ri) ibou ningot muhwindatai ba, muhwindaningai kin Hasum ninsi de nya ibou sratus ningai ningot can ba, muhwindaningai kin Bezai ninsi de nya ibou sratus ningai ningot can ba, ningai kin Harif ninsi de nya ibou sratus gom ba, simnaibrimigcan kin Gibeon ninsi de nya ibou ningot muhwindatai ba, muhwi.
26-38 Andigpoi nya di idigup bat-idigai bat nya ibong ei minu ndig dini cem ingkwei hanyen. Minu ndig Betlehem kin Netofa ibou sratus gom ningot muhwindaningai ba, muhwindaningai kin minu ndig Anatot ibou sratus gom ningot can ba, muhwindaningai kin minu ndig Bet-Asmawet ibou ningot bitai ba, can kin minu ndig Kiryat-Ayim kin Kefira kin Beerot ibou sratus muhwindacan ningot bitai ba, ningai kin minu ndig Rama kin Gaba ibou sratus muhwindagom ningot can ba, gom kin minu ndig Mikhmas ibou sratus gom ningot can ba, can kin minu ndig Betel kin Ai ibou sratus gom ningot can ba, ningai kin minu ndig Nebo gi ter ibou ningot muhwi ba, can kin minu ndig Elam gi ter ibou sribu gom sratus can ningot muhwi ba, bitai kin minu ndig Harim ibou sratus ningai ningot can kin minu ndig Lod kin Hadid kin Ono ibou sratus muhwindacan ningot can ba, gom kin minu ndig Yerikho ibou sratus ningai ningot bitai ba, muhwi kin minu ndig Senaa ibou sribu ningai sratus muhwindatai ningot ningai.
39-42 Gini ne daptar tut nimpung imam insi de nya bikwop imangti di ingkwei hanyen leu ingkiaisi ri. Imam Yedaya di ntun Yesua him ninsi de nya ibou sratus muhwindatai ningot muhwindacan ba, ningai kin imam Imer ninsi de nya ibou sribu gom ningot muhwi ba, can kin imam Pasyhur ninsi de nya ibou sribu gom sratus can ningot bitai ba, muhwindacan kin imam Harim ninsi de nya ibou sribu gom simnai muhwidipbrimigtehican.
43-45 Gini ne daptar tut nimpung Lewi insi de nya bikwop imangti di ingkwei hanyen leu ingkiaisi ri. Yo di ingkwei hanyen leu ingkiaisi dima inyeng rino Yesua kin Kadmiel (di intun Hodewa him) insi de nya ibou ningot muhwindacan ba, bitai kin yo di iba musik bipai doia ei TUHAN De Ig (di intun Asaf him) insi de nya ibou sratus gom ningot bitai ba muhwindaningai kin yo di igya ser dimbou pmem ei TUHAN De Ig (di intun Salum kin Ater kin Talmon kin Akub kin Hatita kin Sobai nya him) insi de nya ibou sratus gom ningot ningai ba, muhwindaningai.
46-56 Gini ne daptar tut nimpung yo di igyai midyai ei TUHAN De Ig insi de nya di ingkwei hanyen leu ingkiaisi ri. Yo di ingkwei hanyen leu ingkiaisi dima inyeng rino Ziha kin Hasufa kin Tabaot kin Keros kin Sia kin Padon kin Lebana kin Hagaba kin Salmai kin Hanan kin Gidel kin Gahar kin Reaya kin Rezin kin Nekoda kin Gazam kin Uza kin Paseah kin Besai kin Meunim kin Nefusim kin Bakbuk kin Hakufa kin Harhur kin Bazlit kin Mehida kin Harsa kin Barkos kin Sisera kin Temah kin Nesiah kin Hatifa.
57-59 Gini ne daptar tut nimpung yo di igyai midyai mem Salomo insi de nya di ingkwei hanyen leu ingkiaisi ri. Yo di ingkwei hanyen leu ingkiaisi dima inyeng rino Sotai kin Soferet kin Perida kin Yaala kin Darkon kin Gidel kin Sefaca kin Hatil kin Pokheret-Hazebaim kin Amon.
60 Yo di igyai midyai ei TUHAN De Ig pima insi de nya kin yo di igyai midyai mem Salomo insi de nya di ingkwei hanyen leu ingkiaisi nya imangti ibou sratus ningai ningot muhwindatai ba, can.
61-62 Ibou sratus muhwindagom ningot bitai ba, can di icoi bit Delaya kin Tobia kin Nekoda insi de nya ingkwei hanyen leu minu ndig ngot di Tel-Melah kin Tel-Harsa kin Kerub kin Adon kin Imer. Noro bit bon igindo mun di bindo tut gi intun mben Israel him kan bi.
63-64 Nok gima cem bit bon imam insi de nya poi ingat idigup bat-idigai bat nya inyeng ei daptarti bi. Yo dini inyeng rino Habaya kin Hakos kin Barzilai. (Barzilai ninsi de nya ide pung di intun him wak sop di ntun Barzilai ninsi de him ei Gilead bikrau kep nipmang de ig bei nsi inyeng). Bit bon yo dini igindo mun di bindo tut idigup bat-idigai bat nya inyeng kan bi. Gima rino nibou nya isindui sut yok ba, inok imam nya bi ug a. 65 Nibou hanjop Yehuda ggai ser yok ba, igyem njita kwas di ibikuk yok bak Allah bi bibou ingat imam gom di krau kep Urim kin Tumimi bikan tut Allah ningon kanti ug e.
66-69 Yo di ingkwei hanyen leu ingkiaisi kwei ei ide minu dima imangti ibou sribu ningot bitai can sratus ningai ningot muhwindagom. Ter leu gima ne ide awak nya di ingkwei hanyen cem ibou sribu muhwindacan sratus ningai ningot ningai ba, muhwindacan. Lene yo di ipai kep doia nya ibou sratus can ningot bitai ba, muhwi. Yo dini ijem ide mindhe-ndhe nya kwei. Kuda nimangti ningut sratus muhwindacan ningot ningai ba, muhwindagom. Mindhe bagal nimangti ningut sratus can ningot bitai ba, muhwi. Unta nimangti ningut sratus bitai ningot ningai ba, muhwi. Keledai nimangti ningut sribu muhwindagom sratus muhwindacan ningot can.
70-72 Limwa nya imang bibor cem iba ide mitiei di ikwas mikui-kausi tut midyai dima bibindei ba, nikinding TUHAN De Ig nikineisi dima buhun bi. Nibou hanjop kwas mas kilo muhwindaningai kin bokor mem midut nya ningot muhwi kin sinsun ndok di jei di gwam imig gom mem imam nya sratus muhwi ningot ningai. Nibou mem insi de nya ikwas mas kilo sratus gom ningot muhwindagom ba, muhwindaningai kin perak kilo sribu gom sratus can ningot muhwi. Nindigsi nya ikwas mas kilo sratus gom ningot muhwindagom ba, muhwindaningai kin perak kilo sratus gom ningot bitai kin sinsun ndok di jei di gwam imig gom mem imam nya ningot muhwindagom ba, muhwindacan.
73 Imam nya kin Lewi nya kin yo di igya ser dimbou pmem nya ei TUHAN De Ig nya kin yo di iba musik bipai doia kan nya kin limwa nitu nya imang bibor kin yo di igyai midyai ei TUHAN De Ig nya ba, gi irop nipmem tut hak ne limwa Israel yahagom titut yam ibong timiei hak ei minu ndig kin minu mien ngot di jo ei hanjop Yehuda.