SRAT NEHEMIA
NIHYET GI BIBIE TUT
Srat Nehemia bon hanjop nsi ningai. 1) Nipai mun tut Nehemia di nibou ndig Persia cuk ug ei nitimieisi ei minu ndig Yerusalem nok nibou mem mben Yehuda ba, bie tut ide limwa nya di ikinding ngug tig di bikrop ttai minu dima hanyen. Noni ppu hum kin gi ikuk yok bak Allah bibindei mbut Allah De midut nya kin limwa nya ide ningon kwes kin yamti cem. 2) Ezra bon midut nikwop Allah De Nicukti Nya hagom brei ei limwa nya yoho bei leu api yahagom ipai jit bittin ser ide sisar. 3) Midyai nya di Nehemia yai tirigi kui bigwam nok nibou mem mben Yehuda.
Hanjop nsi di bon ninyeng ei srat dini pai sut Nehemia di ba ningon com Allah nindig bibor bimbrap bit Noni tug hon nadi di tibim kros ei nuhui him.
Nirop Ninda Ndigsi
Nehemia ngkwei hanyen ug ei minu ndig Yerusalem 1:1--2:20
Limwa nya ikinding ngug tig di bikrop ttai minu dima hanyen 3:1--7:73
Ezra kwop Allah De Nicukti Nya leu api ippu hum kin
Allah De nipreu ei mem yokti 8:1--10:39
Nehemia niyai munti nindigsi nya 11:1--13:31