25
1 Lene gino mpe di gom mben Israel ibou can igya ei nikei noho bei drek dip mun di kinei leu api nikei ndo igbit gi hi di ningon ngun kin gi hi di ningon mui, 2 gino suar no di ningon mui tug ndei hukum dino imbas lene ma nikei cuk noni buug bong biba ninghop bikibou dihyei leu binhyepo hi mbas noni bit leu nok nide mun di kinei nibuhunti. 3 - \xo 25:3: \xt 2Kor. 11:24 Lene ma nikei sindui sut tungwa hi mbas noni mbiningot bitai noro njiriek nimangti dima au. Leu gino imbas noni njiriek nimangti dima lene gima mibindei ba, mmai sut nonti ei tungwatu nya igyai him.4 Tirigi jiba sapi co kep gandum ningat billet leu nintam lene ma jingot kep ser sapi nuhwap jou au.>>
Nicukti tut nisen bat nya
5 <<Gino ibou can di ikindig-ikinjoi bat yam ibong ei dihyei hanjop nsi gom lo, gom mai leu su ba, yai nipmot hi bi lene ma hiter kwei wak kibom dima au. Suar nisen wak noni nok nitnem. 6 Gino nisen yoni ibon ipmot mighumbou lene ma ibibon noni nok no di ntun no di mai su him leu binhyepo bon nide yo di intun noni him ei mben Israel ikieti. 7 Ne gino nisen kou sut gima wak kibom pima nok nitnem lene ma kibom dima ug ya ei nibou minu ttou nsi dima yok yoho bei bipai biyok <Nisen dima kou sut mun di igbit ba, kou sut gima yai nipmot di mintun nikindig him ei mben Israel ikieti.> 8 Lene ma nibou pima yok ihig nisen pima kwei bipingok ningonti. Gino kou sut gi wak kibom dima lene, 9 ma kibom dima ya hammi no dima bikwek nide srop gom leu nimig jou ba, trai ndei niimaisi ei nibou nya yahagom yoho bei lene ndat kep nihyet nok gini <Mun dini mipek kep mem no di kou sut gima yai nipmot mighumbou bak nikindig-nikinjoi di mai su. 10 Lene mben Israel yahagom mitri tut bipia no dima nide keret ne keret di intun no di kibom gom kwek nide srop leu nimig jou ri.> >>
Nicukti hiter nya
11 <<Gino pinai ibou can iba imbuk bihwen yam leu api gom nitnem mpu nijjep ba, su ninda boom ku no di hwen nijjep pima nikei bisi, 12 Lene suar jitot sop dima ninda leu hak ug. Ma jingondut noni au.
13-14 Ma jiba kilo binai nibuhunti lene jiba meter binai nijeisi di igbit bi nya biris bak hiter au. 15 Noro ma jikrau kep kilo di jibinai nibuhunti kin meter di jibinai nijeisi di igbit nya leu binhyepo jide njap jei ei minu di jide TUHAN Allah miyai bak jeni. 16 Jide TUHAN Allah ningon mpo tut yo di iris mun igkei nya.>>
Nicukti tut niyai nimai bak mben Amalek
17 <<Ma jiyok ngon kep notou mben Amalek ibibon jeni mpe di po jehei leu minu Mesir kwei ei puig sinon pima. 18 Yoni ittin tut Allah bi ba, ihwen jeni ei jinghim dip tirigi jinghuisi wei ba, jimig buhun cem leu api igyai nimai bak gi hi di imbutti nggruk bibor bigya abia kep jeni yahagom. 19 Gima rino tirigi jide TUHAN Allah yai minu dima bije bijingwes ngun leu jide siceu di ibong ttai je yahagom inda nsi lene suar jibindei sar mben Amalek dima yahagom imai bingwig leu binhyepo tungwatu nya igyok ngon kep yoni bu bi sren. Ma jibbwe ser dicuk jeti dini au.>>