Mben Israel imbutti tirigi po ijo leu minu Mesir kikau ug ei minu Moab pima
33
1 Tirigi po mben Israel ikiju bimbut leu minu Mesir pima lene bikwop keret mben Israel imbut sindam bibit Musa kin Harun ibie tut yokti ba, ibong kak puig sinon ei mpia ttou nsi poi. 2 TUHAN cuk Musa leu binhyepo noni pas kep bikwop mpia ttou nsi di ibong ser kak puig sinon dima hagom ninyeng.3 Mben Israel ikiju bimbut leu minu Mesir ei ngon gi nisimnaimuhwidip ba, bed gi nigom ei njap gi nigom niabiati Paskah gi nimbie him tun tu. TUHAN nyohou yok tirigi ikiju bimbut leu minu ndig Rameses bou mben Mesir nya igyai him. 4 Mpe dima ne mben Mesir nya inda jo kep ipmot bat mighumbou nya di TUHAN yai nimai biyok nya di itig kep nya ri. Tug hon TUHAN niyai munti dima lene bindo biyok bipia Noni sindem bibor dor njiriek mben Mesir nya ide nung di ikuk yok bak nya.
5 Lene mben Israel ikiju bimbut leu Rameses biyuug hok ide prak meng nya bibong ei Sukot.
6 Lene ijo leu Sukot biyuug hok ide prak meng nya ei Etam di birok kik iggum ndigsi.
7 Lene ijo leu Etam bingkwei hanyen ug ei Pi-Hahirot di jo ei Baal-Zefon nite bei mpia nipriti leu api yohok ide prak meng nya dideu Migdol.
8 Lene ijo leu Pi-Hahirot bisigon Muk Lipig leu api imbut kak iggum ndigsi Etam mem njap ningai biyuug krau Mara lene yohok ide prak meng nya ei sirima.
9 Lene ijo leu Mara bimbut kikau ug ei Elim ba, yohok ide prak meng nya ei sirima. Minyei bousi simnaibrimigcan kin duig sraba ninjem ningot muhwindacan no jo ei sirima.
10 Lene ijo leu Elim biyuug hok ide prak meng nya dideu muk nuhuisi Suez.
11 Lene ijo leu Suez biyuug hok ide prak meng nya ei iggum ndigsi Sin.
12 Lene ijo leu sirima biyuug hok ide prak meng nya dideu Dofka.
13 Lene ijo leu Dofka biyuug hok ide prak meng nya ei Alus.
14 Lene ijo leu Alus biyuug hok ide prak meng nya ei Rafidim noro minyei su hi jo ei sirima bi.
15 Lene ijo leu Rafidim biyuug hok ide prak meng nya ei iggum ndigsi Sinai dideu Nungug Hor.
16 Lene ijo leu Sinai biyuug hok ide prak meng nya ei Kibrot-Taawa (Yo Di Iduhwen Nya Ijui Dip).
17 Lene ijo leu Kibrot-Taawa biyuug hok ide prak meng nya ei Hazerot.
18 Lene ijo leu Hazerot biyuug hok ide prak meng nya ei Ritma.
19 Lene ijo leu Ritma biyuug hok ide prak meng nya ei Rimon-Peres.
20 Lene ijo leu Rimon-Peres biyuug hok ide prak meng nya ei Libna.
21 Lene ijo leu Libna biyuug hok ide prak meng nya ei Risa.
22 Lene ijo leu Risa biyuug hok ide prak meng nya ei Kehelata.
23 Lene ijo leu Kehelata biyuug hok ide prak meng nya ei Nungug Syafer.
24 Lene ijo leu Nungug Syafer biyuug hok ide prak meng nya ei Harada.
25 Lene ijo leu Harada biyuug hok ide prak meng nya ei Makhelot.
26 Lene ijo leu Makhelot biyuug hok ide prak meng nya ei Tahat.
27 Lene ijo leu Tahat biyuug hok ide prak meng nya ei Tarah.
28 Lene ijo leu Tarah biyuug hok ide prak meng nya ei Mitka.
29 Lene ijo leu Mitka biyuug hok ide prak meng nya ei Hasmona.
30 Lene ijo leu Hasmona biyuug hok ide prak meng nya ei Moserot.
31 Lene ijo leu Moserot biyuug hok ide prak meng nya ei Bene-Yaakan.
32 Lene ijo leu Bene-Yaakan biyuug hok ide prak meng nya ei Hor-Gidgad.
33 Lene ijo leu Hor-Gidgad biyuug hok ide prak meng nya ei Yotbata.
34 Lene ijo leu Yotbata biyuug hok ide prak meng nya ei Abrona.
35 Lene ijo leu Abrona biyuug hok ide prak meng nya ei Ezion-Geber.
36 Lene ijo leu Ezion-Geber bimbut kak iggum ndigsi Zin biyuug hok ide prak meng nya dideu Kades.
37 Lene ijo leu iggum ndigsi Zin biyuug hok ide prak meng nya ei Nungug Hor di bikkin minu Edom.
38 Mpe dima ne Imam Harun kui ug ei Nungug Hor bit leu TUHAN nicuk noti. Leu api noni mai ei sirima ei njap ngon bou gi nigom ei bed gi nimuhwi ei ari bingwam gi ningot bitai niabiati mben Israel ikiju bimbut leu minu Mesir tu. 39 Ba, Harun de njap ug ei ari bingwam sratus gom ningot can ba, ningai ug api noni mai ei Nungug Hor.
40 Mpe dima ne nibou ndig minu Arad ei Hanjop Negeb di jo ei minu Kanaan nite bei mpia nibiho miap tut mben Israel inghapti bipia imig jo kep ndam nide minu.
41 Lene mben Israel ijo leu Nungug Hor biyuug hok ide prak meng nya ei Zalmona.
42 Lene ijo leu Zalmona biyuug hok ide prak meng nya ei Funon.
43 Lene ijo leu Funon biyuug hok ide prak meng nya ei Obot.
44 Lene ijo leu Obot biyuug hok ide prak meng nya ei Abarim di igkum kroisi ei minu Moab.
45 Lene ijo leu Abarim biyuug hok ide prak meng nya ei Dibon-Gad.
46 Lene ijo leu Dibon-Gad biyuug hok ide prak meng nya ei Almon-Diblataim.
47 Lene ijo leu Almon-Diblataim biyuug hok ide prak meng nya ei Nungug Abarim dideu Nungug Nebo.
48 Lene ijo leu Nungug Abarim biyuug hok ide prak meng nya ei briep bou him Moab di birok kik minu ndig Yerikho ei Minyei Yordan nita dima ug. 49 Ba, ibong ei sirima hammi Bet-Yesimot kin Mbang Briep Sitim ikieti.
TUHAN nicuk yokti nipou tirigi isigon Minyei Yordan bigyo
50 TUHAN mbrap bit Musa ei briep bou him Moab di birok kik minu ndig Yerikho ei Minyei Yordan nite dima ug, 51 biyai nicuk mben Israelti bak noni bipai <<Tirigi jisigon Minyei Yordan ba, juug dihip ei nite dima ug bijicoi ug ei minu Kanaan, 52 lene suar jijji timiei minu dima yahagom leu hak ug. Suar jibindei sar ide kwar di iba tig kin ngkimom nitu bibon bitut ide mpia ttou nsi nya di ikuk yok bak ide kwar nya eisi cem. 53 Suar jikieng kep minu dima ba, jibong timiei eisi lewo diyai minu dima bak jeni. 54 Suar aba niko binggok tut ba, akwas ide dihyei tut yok binok ide dihyei ninda rom nya tut keret nya gom-gom bitut nide bat nya ba, apek dihyei hanjop nsi di nindig bak keret gi hi di ninsi de imang ndig nya lene apek dihyei hanjop nsi di nimien bak keret gi hi di ninsi de imangti lai-lai de he nya. 55 Noro gino jijji timiei minu dima yahagom bingwig leu bi lene timiei di ibong kikau ei mpia dima mporo mibibon bijingon buhun dem kep nok iggum di cut ei jiyai njepti kin ndia nggwen di dahat ei jimigti. Lene yoni minjei bihwen je. 56 Gino jijji yok bingwig leu bi lene midibindei sar jeni noyam kin gi ditin ei mem dibindei sar yoni.>>