Bikwop keret ide mpia tou nsi gom ei mben Israel ide prak meng yati
2
1 TUHAN pai bak Musa kin Harun, 2 <<Mpe di mben Israel yohok ide prak meng keyam lene suar tungwagom-gom hok nide prak meng bikrop ttai minyahas nibicom yam di bindo tut nide keret a. Lene bikwop keret yohok ide prak meng yati dima hagom bikrop ttai Ditde Prak Meng noro wer ting leu.>> 3 Nimpung tentara di igya coi minyahas nibicom yam Yehuda yohok ide prak meng nite bei mpia nipriti ba, ibibit ide nimpung tentara kin ide nibou nya gom-gom sindam nok gini.4 Nahason di Aminadab nipmot ne nibou mem keret Yehuda ri. Imangti ibou sribu ningot muhwindacan bitai ba, sratus muhwindagom. 5-6 Nataneel di Zuar nipmot ne nibou mem keret Isakhar ri. Imangti ibou sribu ningot muhwi bitai ba, sratus bitai. 7-8 Eliab di Helon nipmot ne nibou mem keret Zebulon ri. Imangti ibou sribu ningot muhwi muhwindacan ba, sratus bitai. 9 Yo dini yahagom sok yam imangti ibou sribu sratus gom ningot muhwindaningai muhwindacan ba, sratus bitai. Suar nimpung nibicom yam dini imbut bibie ngat.
10 Suar nimpung tentara di igya coi minyahas nibicom yam Ruben yohok ide prak meng nite bei mpia nibiho ba, ibibit ide nimpung tentara kin ide nibou nya gom-gom sindam nok gini.
11 Elizur di Syedeur nipmot ne nibou mem keret Ruben ri. Imangti ibou sribu ningot bitai muhwindagom ba, sratus muhwi. 12-13 Selumiel di Zurisyadai nipmot ne nibou mem keret Simeon ri. Imangti ibou sribu ningot muhwi muhwindatai sratus ningai. 14-15 Elyasaf di Rehuel nipmot ne nibou mem keret Gad ri. Imangti ibou sribu ningot bitai muhwi ba, sratus muhwindagom ningot muhwi. 16 Yo dini yahagom sok yam imangti ibou sribu sratus gom ningot muhwi gom ba, sratus bitai ningot muhwi. Nimpung nibicom yam dini injei bram yok nok nimpung gi nican.
17 Keret nya nimpung can ibie leu api suar keret Lewi igya bia kep yok bittei TUHAN De Prak Meng leu api keret nya nimpung can bu ibram yok. Lene bikwop nimpung keret nya imbut sindam bit leu nok ide prak meng di idimig bijo kimus pima ba, ibibit ide minyahas nibicom yam pima.
18 Suar nimpung tentara di igya coi minyahas nibicom yam Efraim yohok ide prak meng nite bei mpia nicutti ba, ibibit ide nimpung tentara kin ide nibou nya gom-gom sindam nok gini.
19 Elisama di Amihud nipmot ne nibou mem keret Efraim ri. Imangti ibou sribu ningot bitai ba, sratus muhwi. 20-21 Gamaliel di Pedazur nipmot ne nibou mem keret Manasye ri. Imangti ibou sribu ningot ningai can ba, sratus can. 22-23 Abidan di Gideoni nipmot ne nibou mem keret Benyamin ri. Imangti ibou sribu ningot ningai muhwi ba, sratus bitai. 24 Yo dini yahagom sok yam imangti ibou sribu sratus gom muhwindaningai ba, sratus gom. Nimpung nibicom yam dini imbut bigya abia kep keret Lewi.
25 Suar nimpung tentara di igya coi minyahas nibicom yam Dan yohok ide prak meng nite bei mpia nijjai ba, ibibit ide nimpung tentara kin ide nibou nya gom-gom sindam nok gini.
26 Ahiezer di Amisyadai nipmot ne nibou mem keret Dan ri. Imangti ibou sribu ningot muhwindagom can ba, sratus muhwindacan. 27-28 Pagiel di Okhran nipmot ne nibou mem keret Asyer ri. Imangti ibou sribu ningot bitai gom ba, sratus muhwi. 29-30 Ahira di Enan nipmot ne nibou mem keret Naftali ri. Imangti ibou sribu ningot muhwi ningai ba, sratus bitai. 31 Yo dini yahagom sok yam imangti ibou sribu sratus gom ningot muhwi muhwindacan ba, sratus muhwindagom. Nimpung nibicom yam dini imbut nok gi ningwigsi.
32 Mben Israel di inyeng coi ei nibicom yamti bit leu ide nimpung tentara nya imangti ibou sribu sratus muhwindagom ningai ba, sratus muhwi ningot muhwi. 33 Noro ikwop kep yo di intun keret Lewi him imangti bit mben Israel nindigsi nya bi bit leu nok TUHAN nicuk Musati.
34 Gima rino mben Israel igyai mun nyeng hagom bit leu nok TUHAN nicuk Musati. Bikwop yoni yahagom yohok ide prak meng nya bikrop ttai ide minyahas nibicom yam lene imbutti cem imbut ba, ibibit leu ide bat nya cem ide ig bei nsi nya cem sindam.