Te Na'ayenɛ yele mam yeti, Doohe ho pɔga la poore
3
1 Te Na'ayenɛ yele mam yeti, Doohe ho pɔga la poore, la kaŋa n pon dɔla bɔta boraahe tona yalomtooma la. Nɔŋɛ en wo Na'ayenɛ sina ge nɔŋɛ Israeldoma se'em la, ba pon ŋmɛregɛ lebe ta dɔla yena la ge dita ba dia. 2 Bala te mam dekɛ sanlenpeelega kpila pia la anuu, la mui pitɔ pia yɔ to'e en. 3 N nya yele en yeti, Dɛna mam ma'an denɛ bɔna wuuha. Da le tom kabonhe. Da le gan'arɛ la boraa, bii mam mɛŋa nɛ ho soŋen. 4 Israeldoma wa wan ta bɔna la bala, ka tara naba bii nabia. Ba kan kaanbera bii ba mɛ' sɛla ze'ele. Toolom fugiriga la nyɔn'ɔn zuo funiho la bii maanɛ kuga la kan bɔna. 5 Bala han ta tole, Israel nɛreba wa wan lebena ɛ Na'ayenɛ ba Yenɛ la, la ba naba David. Ba'ahegɔ dabeha la poan, ba wan wa'an Na'ayenɛ zen'an na la dabeem, te a me to'e ba la som.