Na'ayenɛ n tɔgɛ Pilistidoma yele
47
1 Na'ayenɛ n tɔgɛ Pilistidoma yele se'em bo Yeremia n wana, ge te Mizraim teŋa naba nya baŋɛ wa'ana zabɛ la Gaza teŋa.2 Na'ayenɛ yeti, behɛ, diŋdaana la n bala bɔna zuɔ nu'o teŋhe bɔba ha, perɛ paahena wo ko'om la, ba wan uue na, di ho wo ko'om la, ba wan ba bibigɛ teŋa wa na, pin' ka zen'an woo, ba wan pin' teŋhe, la se nɛreba n boe se poan, nɛreba wan kaaha, te teŋhe la doma kele koonɔ. 3 Dima la pɛɛntɛɛnreba kinkima dameŋa ma'an, la a yire toroto la, la to na'ma dameŋa ma'an, wan bahɛ te dɔgɔreba zɔ kan ŋmɛregɛ poore behɛ ba kɔma. Ba nu'uhen, la ba na'ma wan gbe'era, 4 Pilistidoma sagaŋɔ dabaherɛ la paɛ ya, te de ŋma' sɛla woo n tare soŋorɛ, yee Tire, la Sidon teŋhe poan bahɛ. Na'ayenɛ n sagone Pilistidoma la, la Kaptor teŋa la n lɛm ko'om nɔɔrɛn la. 5 Gaza teŋa nɛreba siie la zuto ge kɛla. Askelon teŋa nɛreba la sagom mɛ. Yamam sɛba n gee fiin wa la, wane te ya ŋmata ya mɛhe bala. 6 Na'ayenɛ so'a wa, ho yeti ho kɔrom go'e la wane ma'an? Dekɛ ho mea lebehe sun' ho foligɔ poan, la ho vɔ'ɔha, ge ana baanlam. 7 Na'ayenɛ n bo so'a wa sore la, ka wan eŋɛ la wane ana baanlam? A bo ka sore te ka kɔrom Askelon, la mɔgɔrɛ nɔɔrɛn la zan'an, n boe ka toonɛ zen'an n bala.