Yelese'a te naba Lemuel ma tɔgɛ pa'alɛ en
31
1 Yelese'a te naba Lemuel ma tɔgɛ pa'alɛ en la n wana. 2 N bia Lemuel, kelehe soŋa, te mam biŋe la nɔɔrɛ ge dɔgɔ hɔ. 3 Da dekɛ ho paŋa yee pɔgɔbɔrɛ poan, te pɔgɔbɔrɛ n sagom nadoma kekeko.4 Lemuel, la ka sontii nadoma bii nɛŋadoma bugura daam, bii ba bɔta daam kpe'eŋo. 5 Se'ere n sɔe la ba han nyu' ba wan ta tamɛ sɛla n nare ba tom la, ba wan namehe nahadoma. 6 Bo' ya nɛresɛba n ye' kum daam kpe'eŋo bii ya bo se'em suunre n sagom daam. 7 Bahɛ ya te ba nyu' tamɛ nɔŋɔ la yelese'a en da'ane la.
8 Soŋɛ ya taromdoma la sɛba n ka tare ŋmɛregere zen'en, te ba ta'an nyɛta boorɔ. 9 Ete ya soŋa, gankere ya nahadoma la taromdoma la ma'an ma'an.
Pɔgɔsɛka n yehegɛ gana kuga mɔlebagenɛ
10 Pɔgɔsɛka n yehegɛ gana kuga mɔlebagenɛ, te boraa nara te a tara ka. 11 Ka sera suunre boe la ka zen'en, ka tare la nyunrɔ kena na. 12 Ka ete ka sera la som daarɛ woo, te be'em ka bɔna. 13 Ka tare la gunguno, la konberɔ, wugura futo te popeelom bɔna. 14 Ka ane wo kɔɔhereba ɔɔnrɔŋɔ la, ka ziire la dia zɛ'ɛta zen'enhe n zaan na. 15 Ka ne ihege la bolika yu'uŋyu'uŋɔ, dugɛ dia bo ka yiredoma la ka pɔgɔsɔɔrɔ. 16 Ka mi' ka wan da' samanɛ se'em, ge tara sɛla te ka tona nyɛta la buta tiihe. 17 Ka nini mɔ'ɛ mɛ la ka tooma, te ka nu'uhe toola la tooma. 18 Ka mi' se'em ma'an te ka wan da' bii ka koohe nyɛ' nyuunrɔ, ka tone la bala la yu'uŋɔ zan'an. 19 Ka han tɛɛ nu'o gorɛ guŋo wanɛ, wogora ka mea futo. 20 Ka tɛɛre ka nu'uhen bɔ'ɔra nahadoma, ge soŋora taromdoma. 21 Ka wɔgɛ la ɔɔrɔ futo bo ka yiredoma, te dabeem ka tara ka la ɔɔrɔ saŋa poan. 22 A mɛŋa n wogore futo pin'ira a mɛŋa, te ka lɔgɔrɔ dɛna lɔgɔsaalehe peelehe, la lɔgɔ mɔlɔ. 23 Ka sera han zin'ire teŋa la nayaŋa nɔɔrɛn, la keendoma sohoga poan a tare zuo mɛ. 24 Ka wogore la fusonɔ la sɛgana kɔɔhera bɔ'ɔra leebedoma. 25 Ka paŋa la ka nɛreŋɔ bo la ka lɔgɔrɔ la poan. Ka la'are la bala ge tara beere potɛn'ɛrɛ. 26 Ka tɔgɔre mɛ la yam, ka pa'alɛ nɛreba la etesoŋɔ. 27 Ka behere ka yiredoma la soŋa soŋa, ge ka tara zinyangarɛ. 28 Ka kɔma kan'are la som bɔ'ɔra ka, te ka sera mɛ pɛngera ka te, 29 pɔgɔhe boe teŋa wa zuo eta soŋa, ge hon gane se zan'an, 30 nonɔm dela ponpan'ahomtooma, te soŋa dɛna zaŋa, ge pɔgɔsɛka n zote Na'ayenɛ te ba wan pɛngera. 31 Ka nare yɔɔre ka tooma la zan'an poan. Bahɛ te ka tooma la nɛɛ peelomen te ba pɛngera ka.