Yooma 48

Na'ayenɛ kanregɛ mɛ

1 Na'ayenɛ kanregɛ mɛ, ge me nara pɛnka kantɛ Yenɛ teŋa la poan la a fa'a zoore la. 2 Zoore woko an soŋa. Zion Zoore la n boe zuo nu'o bɔba ha, dɛna naba kantɛ la teŋa la n bo'ore teŋparɛ wa zan'an nyeema. 3 Teŋhe la poan, Yenɛ nɛɛ a mɛŋa, te enŋa n seren de tɛ'ɛla.

4 Te naba wa yi, te ba seren lagahɛ na. 5 Ban lagahɛ na nyɛ wana wa la, la dakɛ ba mɛ, te ba paleŋa ɛnkɛ, te ba zɔ. 6 Dabeem n kɛn' ba, te iŋdi. A ana wo pɔka n virigere la sige la zuo bilam. 7 Te ba yagelena wo da pɔya bɔba sabeeo n paɛ Tarsis teŋa ɔɔnrɔnɔ kanra ko'om poan la. 8 Tomam n wom se'em la, bala mea te to nyɛ Pɛɛntɛɛnreba Na'ayenɛ la n boe to Yenɛ la teŋa la poan te a sɛ ka ze'ele te ka ta tara ba'ahegɔ la poan.

9 Yenɛ, tomam boe la ho Yire wa poan ɛɛra ho zo'ohogɔ la. 10 Yenɛ, ho yu'urɛ la paɛ teŋparɛ wa zan'an woo ma, wo ho pɛnka yooma n paɛ se'em la. 11 Bahɛ te Zion Zoore nyeena, te Yuda teŋhe me nyeena, la hom Na'ayenɛ n gankɛ teŋhe la zuo.

12 Kae ya Zion. Kae Zion zan'an mum. Kaanlɛ a soka zen'enhe la. 13 Bahɛ ya a dangoon kanra la, la a de kanra la, la ta dekɛ yele buuri se'a n kene na la. 14 Yenɛ n wana, tomam Yenɛ n wana nananawa kɔ'ɔn yɛ'ɛha. A wan gura to bala yɛ'ɛha.