Asaala woo, pa' ya nu'uhe, nyeena vɔɔla la yooma bɔ'ɔra Yenɛ
47
1 Asaala woo, pa' ya nu'uhe, nyeena vɔɔla la yooma bɔ'ɔra Yenɛ. 2 Se'ere n sɔe la, Na'ayenɛ la n de Paŋa Zan'an Daana la dela dabeem, enŋa n de Nakantɛ, sɔna teŋparɛ wa zan'an. 3 Yenɛ n nyaŋɛ teŋhe bo to, te se bɔna to nu'uhen, 4 ge gaŋɛ teŋsoŋa la te Yakob, se'em te a nɔŋɛ la suunre kɛn' la bo tomam. 5 Yooma n yoone, te Yenɛ kɛn' a yire la poan. Tentanɛ n peebe, te Na'ayenɛ kɛn' a yire la poan. 6 Yoon ya pɛnka yooma, yoon ya pɛngɛ Yenɛ. Yoon ya pɛngɛ naba la, yoon ya pɛngɛ en. 7 Se'ere n sɔe la, Yenɛ n de teŋparɛ wa zuo naba. Yoon ya pɛngɛ en. 8 Yenɛ n de teŋhe wa woo naba. Enŋa zin'an a na'am gɔŋɔ zuo. 9 Nabiihe woo la se nɛreba la n de Abraham Yenɛ la nɛreba la lagahɛ me na. Teŋhe woo bahɛ ba zaba lɔgɔrɔ la mɛ. Se'ere n sɔe la, Yenɛ n de teŋa wa zan'an tɛ'ɛlega. Teŋparɛ wa zan'an pɛngera la Yenɛ.