Na'ayenɛ n de mam soka zen'an
11
1 Na'ayenɛ n de mam soka zen'an. Bene n sɔe te ho yele mam yeti, Peɛn ana wo niiŋa ɛngera ho zoore wa zuo. 2 Behɛ nɛrebe'ero la pon maahom ba tiini me. Ba pon ve'e ba ba pɛɛma mɛ, maahom te ba tɛn' nɛresɛba n de tontɔɔdoma la. 3 Ba han sagom ɛnbera wa ba'ahɛ, nɛresɛba n de tontɔɔdoma la wan eŋɛ la wane? 4 Na'ayenɛ boe la a Toolom Yire la poan. Na'ayenɛ zin' la a saazuo na'am koka na. A behere nyɛta nɛresaala woo mɛ. A mɛŋa nini n behere ba. 5 Na'ayenɛ behere la sɛba n de tontɔɔdoma. Ge Na'ayenɛ yaɛ yelebe'eteba la sɛba n nɔŋɛ gbirigere. 6 Na'ayenɛ tare la kuga n taɛ bugum niira bahera yelebe'eteba la zuo. Sɛla woo te ba eta kan bo ba nyonrɔ. 7 Se'ere n sɔe la, Na'ayenɛ n dela tontɔɔdaana. A nɔŋɛ la yelemɛŋɛrɛ. Nɛresɛba n ze' tontɔɔ ma'an n wan nyɛ a nɛŋa.