Te boraahe setan' wa sina ka le lerege Yob
32
1 Te boraahe setan' wa sina ka le lerege Yob. Se'ere n sɔe la, Yob behɛ te enŋa dela tontɔɔ nɛra. 2 Te Buz teŋa boraa Barakel la n de Aram buuri la dayɔa Elihu suunre nyie. A suunre nyie mɛ la Yob, la Yob en ka bahɛ te Yenɛ behɛ nam en, ge kɔ'ɔn behɛ nam a mɛŋa la. 3 A suunre me le nyie mɛ la Yob zɔdoma ba tan' la en yele Yob te a tue mɛ ge ka tara leregere wan lerege Yob la.Te Elihu wa gu'uha te a tɔgɛ la Yob
4 Te Elihu wa gu'uha te a tɔgɛ la Yob. Se'ere n sɔe la, enŋa n de bia ba woo poan, 5 ge n nyɛ te bana la ka nyaŋɛ lerege Yob la, a suunre nyie mɛ.
6 Te Elihu wa lerege yeti, Mam dela bia, te ho me dɛna bonkɛka, bala zuo, valom en tare ne mam te n yele ho n suunre n tare se'ere. 7 Mam tɛn'ɛhe te bonkotɛ en mi' tɔgom. Te korogerɛ tana pa'ala yam. 8 Ge la ton dɛna la sea la n boe asaala poan la, Gaŋɛ Zan'an Yenɛ wa mɛŋa vo'ohom la en bo'ore nɛra bɔkerɛ. 9 La dagɛ bonkɛgehe n tare yam, bii bonkoroba en bɔkere sɛla n de sera. 10 Bala te mam yeti ho kelehe mam, te mam me yele ho n suunre n tare se'ere.
11 Behɛ, mam kelehe ho yelehom la mɛ, mam kelehe ho yam yetɔgom la mɛ, se'em ma'an te ho ɛɛra hom wan tɔgɛ se'em la, 12 mam kɔ'ɔn ana la kɛli ge, aai, ya se'em ka boe nyɛ Yob tuure, Se'em ka boe ya poan nyaŋɛ lerege a yetɔgom la. 13 Da yele ya yeti, Tomam tare yam, to bahɛ te Yenɛ sagom en ge dagɛ nɛresaala.
14 A ka tɔgɛ mam, mam me kan dekɛ yamam yelehom la lerege en.
15 Ba ze' la yɛɛ, ba kan le ta'an lerege se'ere. Ba ka le tara se'ere. 16 Bala, n sina te bama en ka tɔgɔre la zuo? Bama en ze' ka le tara se'ere wan lerege la?
17 Mam me wan bo n leregere. Mam me wan yele n suunre n tare se'ere. 18 Se'ere n sɔe la, yɛla ma'an en perɛ mam. Mam potɛn'ɛrɛ en pɛnregere mam. 19 Mam suunre wa poan ha ane mɛ wo daam te ba bɛ' bo nɔɔrɛ la, la ane mɛ wo daam laŋa paalega en yeti ka tanhɛ la.