Israel pepopeyanacua-ewetsinë naexanaejitsia Belén tomarata
5
Mapaliwaisijea Jehová tsipaeba Miqueas-jawabelia, Moreset tomarapijinë, Samaria tomarapijiwi, Jerusalén tomarapijiwibeje yabara, pamatacabianëjawa Jotam, Acaz, Ezequías-ata peyanacua-ewetsiwi tsawanapae Judá nacuapijiwi. Nexata, Miqueas jumaitsi Judá nacuapijiwijawabelia:1 —Jehová pacajumaitsi: «PaJerusalén-tomarapijiwimë ajena panatocaetuatsianame panijajiwi wajabitsaëwi, papecayapijiwitaenubenaewinexa, tsipaji panijawajabitsaë pacamatatoyorotsianubena. Bajarapamonae raja naebota itabaraconibabena Israel-pijinë pemomoxi pijatuxanenë. 2 Itsiata baitsi jane, Efrata Belén tsiquiritomarayo-ata Judá nacuata pejinawanapaewi nacaewiriamaëtowi daxita pijatomaranëwecua, itsiata bajarapatomarayojawata naexanaena ponë Israel nacua peyanacua-ewetsinënexa, ponë peponaponaenë bitso pepobajayajawawerena», pacajai Jehová.
3 »Itsiata, maparucaeje Jehová copatsiana pijajiwi Judá nacuapijiwi pija-epato, matapania pewecuanaexanaejawabeliatsi powa ewetaponapona pitajëtsinexa pexinacueto. Nexata, bajaraponë icatsia caetuatsiana daxita nacaewiriawi Israel-pijinë pemomoxi pijanacuajawaberena, tajë itsanacuanëjawabelia pejinawanapaewimi. 4 Nexata, bajaraponë naitajëtsiana pewetsinënexa pijanacuapijiwi Jehová pesaëta. Ayaijamatabëcuenenënua tsane Jehová pijaDIOSO pejamatabëcuene. Nexata, bajarapamonae matapania jinawanapaena itsacueneliwaisi natsixainaenejewa daxita nacuanëjawabelia —jai Miqueas Judá nacuapijiwijawabelia. 5-15 [...]
C6—C7 [...]