Pacuenia Jehová pijajiwitonëcuenia pitorobinë bejiobia-exanaejitsiatsi
—Jehová raja jumaitsi wajanacato-itorobinënexa pijajiwitonëcuenia yabara: Maraponëje pexanaecuene pexaniacuenia topitsapabiabianatsi. Nexata, bajaraponë bitso ayaijamatabëcuenenëcueniaa petaenëtsi tsane daxitajiwiwecua. Jiwinua wënëxaniatsianatsi pexanaecuene yabara. Nexata, bajaraponë nacua-ewetsinëcuenia yaiyataenatsi daxitanacua pewetsiwiwecua.
14 »Bajaraponë jiwi ayaibitsaëtso bitso itaxutuanabenajacaenatsib paepatota taenatsi, tsipaji jiwitonë-itabaracuene aponayapëtae tsane ayaicuenia pitabarabijianaexaetsi pebejiobia-exanaejawatatsi. 15 Bajarapacuenia itsanacuanëpijiwi apojudíowi jamatabëcuenenajunawiacaena,c nacua-ewetsiwi-ata, tsipaji bajaraponë apojamatabëcuenejëpae tsane pacuenia jiwi jamatabëcuene-itsi. Bajarapamonae apoyapëtae tsane pacuenia jumecanawiatsijitsia bajaraponëjawabelia, nexata jamatabëcuenenabenajacaya moya nubenaena bajaraponë pitabarata, yaiyataeya beweliajamatabëcuenewi penataexae. Bajarapamonae jamatabëcuenenajunawiacaena paepatota itsa cuenetanetsi, tsipaji bajaraponë yapëtaeya-exanaena xua apopejumetaecapanepabiabijawanëmi, xua pewajënaeya itsamonae apopeyapëtaeya-exanabiabijawanë —jai Isaías pewajunupaebijawata.