Pacuenia Mesías yanacua-ewetsijitsia mapanacuapijwi
11
Isaías jumaitsi israelitawijawabelia:—Jehová papecatsicopatsicujinae Asiria nacuapijiwi papecacuene-amoneyabinexa, panenaneconitsixae bajaraPonëjawabelia, itsamatacabijawabelia pamatabëxëyo abaxë jinawanapaena Israel nacuata, pacuenia naejawa penicataxuabicujinae penacopatsimatabacajawata pitsapa itsanae, bajarapacuenia naitajëtsiana bajarapamonaejawata itsanë, Isaía pemomoxiyajuwënënë, peyanacua-ewetsinënexa mapanacuapijiwije.
2 »Espíritu Santo, Jehová pe-Espiritu, jamatabëcuenecaëjëpaeya-exanaenatsi bajaraponë mapacuenejawanë pexainaenexa: Yapëtaeya pexanaecuene, xaniawaetsia peyapëtaecuene, pemuxujiobicuene Dioso pejitsipaecuenia, piacuenesaëcuene, Jehová pecueneyapëtaecuene, Jehová peyaiyataeya-exanaecuene-ata.
3 »Nexata, jiwi pijaneconi xaniajaiya tocanaëjëtsiana. Bajaraxuata, aponaneconitsia-exanae tsane, itsa jume, apocopatsinua tsane naneconitsia-exanaenejewa ëpecuene yabara,b itsa jume, pinaliwaisita-ata, tsipaji bitso pejitsipaenë tsane pejumecowënëtabiabijawa Jehová.
4 »Bajaraxuata, xaniawaetsia tocanaëjëtsiana bepejiobijiwi, bitso pexainaewibeje, paliwaisi namata-enetsia natsixainabeje. Xaniawaetsia tocanaëjetsiananua pijaliwaisi piacuenesaëjibiwi xaina piacuenesaëwijawabelia. Pejumeta penamatacaitorobijawata junawia-exanaena daxita nacuapijiwi ayaicuenia. Cae-uxunejawata werebiabiana daxita piajamatabëcuenebejewi. 5 Pacuenia jiwi cinturón na-epacëbabiaba xaniawaetsia penacuenebinexa, bajarapacuenia pecanacuenebixae ëpexaniacuene pexanaejawa, pexaniajaijumenë-ata daxitacuene pexanaejawata, xaniawaetsia topitsapaenatsi bajaraponë, pacuenia cinturón pena-epacëtsinë.
6 »Bajaraponë peyanacua-ewetsimatacabijawa penayabara-itoyacuenemi ajibi tsane. Nexata, pinijiwirianamo,c lobowënënë, unupijinë pianaepanaenë, oveja pejananëbeje najuaponaponaenabeje xaniawaetsia na-itoyanejewabeje. Bajarapacuenia newëthëbeje, chivo pejananëbeje najuamajitanucaenabeje. Bajarapijinia pacuenia vaca pejananëanë, newëthë petsobiawi najuawitsabawanapaena caejawata. Nexata, pejewaxinëyo cuenecaëjëpaenatsi bajarapamonae pejamatabëcuene-amoneyabicuenia pematacaponaenexa wayafuabelia po̱na pexaenexa. 7 Bajarapijinia pacuenia vaca pesorowabi, unupijipianaepanaenëanë osowiriawid pesorowabi jamatejema najuajinawanapaena caejawata. Pexi-ata najuabobobenabiabiana caejawata penacuera-ewetsinexa. Bajarapamatacabijawa newëthë petsobiawi pinijiwiriawi xaena po̱na pacuenia baxane bueyumonae.e 8 Pejewaxinëyo pena pemi-apaenacuetoyo cuenecaëjëpaenatsi penamuxusitsijawa be-atamiwiriajomo pianaepanaenë pijamëthëmuxuneneta. Bajarapijinia pacuenia, pejananamicopatsijiwiyo cuenecaëjëpaenatsi penacobebëtsijawa bula pijamëthëjawareca. 9 Nexata, caejiwi-ata apobijianae tsane itsacuenejawayo-ata daxita Jerusalén-jawata, Sión-tsutojawata pe-ecaetomara, tsipaji pacuenia mera bayacaëjëpa daxitajawa manuamenejawata, bajarapacuenia jiwi jamatabëcuenewënëcaena Jehová peyapëtaeya-exanaejamatabëcuenetsi caejamatabëcuene penajuaxainaenexa Jehovájawabelia.
10 »Nexata, bajarapamatacabita Isaípijinëmijawawerena pepitsapaenë daxita nacuapijiwi itaxutuanacaetuatsiana petaenexatsi. Bajaraxuata, caenacuapijiwi canacujitsia jaitsiana bajaraponë, penaponaponaenexa itsajota bajaraponë ponapona bitso pexanianacuata —jai Isaías Judá nacuapijiwijawabelia. 11-16 […]
C12—C13 […]