29
[…] 2 Pexaniacuene pexanabiabiwi jiwi itsa yanacua-eweta, jiwi jamatabëcuenebarëyaya jinawanapabiaba. Itsiata, piajamatabëcuenebejewi itsa yanacua-eweta, jiwi cuenebaracuaicuaijaitsi tsabiabi, bitso bejiobicueneta pejinawanapaexae.3 Ponë naliwaisicanaëjëta itsacuene pexanaewajënaeya, bajaraponë paxa siwajamatabëcuenebarëyatsi. Ponë yajawaponaponabiaba penaperabëcanajetsiwaxi, pijapalata weretabiaba. 4-6 […]
7 Pexaniajamatabëcuenenë, toyaiyataeyabiaba bepejiobiwi pijaliwaisi. Piajamatabëcuenebejenë pijinia, apotoyaiyataeyabiabi bepejiobiwi pijaliwaisi. 8-10 […]
11 Pajiwi aponaliwaisicanaëjëtsi pexanaewajënaeya, itsa anaepana, anaeya ayaijumeta cuaicuaijai tsabiabi. Pajiwi pijinia naliwaisicanaëjëta pexanaewajënaeya, anaepanae-ata, najamatabëcuenecataitabiaba. 12-14 […]
15 Pexi pexainaejiwi, pexijiwiyo pibisiacuene itsa exana, nacoximuxujioba. Nacoxiconitanua. Nexata, bajarapajiwiyo copata baja, pibisiacuene pexanabiabijawami. Itsiata, itsa aponacoximuxujiobi tsipae, pewajënaeyabelia pibisiacuene exanabiabijitsipa. Nexata, pena bitso yapijiwi-auratsi tsabiabi tsipae. 16 […]
17 ¡Nacoxicuenexanetabiabare, pecopatsinexa pibisiacuene pexanaejawa! Nexata, jamatabëcuenebarëyaya barëponaponaename, jamatabëcuenebëjamënejewa.
18 Pacujinae jiwi aponajamatabëcuenecaewetsi Dioso penajumecopatsiliwaisi pejamatabëcuenematacaponaenexatsi, itaxutejema jinawanapaena. Itsiata, jamatabëcuenebarëya tsawanapae tsane pamonae jumecowënëtawanapa Dioso penajumecopatsiliwaisi Moisés-pijinëta. 19-22 […]
23 Ayaijamatabëcuenenë penataeyabiabinë, itsamatacabi jiwi beweliajamatabëcuenenë taenatsi. Ponë beweliajamatabëcuene penataeyabiabinë, itsamatacabi jiwi yaiyataenatsi ayaijamatabëcuenenëcuenia petaexaetsi. 24-26 […]
27 Pamonae pexaniajamatabëcuenewi, apojitsipabiabi pimoxoyotsijawa pibisiacuene pexanabiabiwi. Pamonae pijinia piajamatabëcuenebejewi, apojitsipabiabi pimoxoyotsijawa pexaniacuene pexanabiabiwi.