28
Pamonae pibisiacuene exanabiaba, itsajiwi-ata apotsimaxëponae-atatsi, rëcëpecabiaba. Pamonae pijinia pexaniacuene exanabiaba, jamatejema jinawanapa. Pacuenia newëthë itsacuenejawa-ata apocujunawi, bajarapajamatabëcuene-itsi tsawanapae. 2-8 […]9 Pamonae apojitsipae pejumecowënëtsijawa Dioso pejumeliwaisi, bajarapamonae wajëcae-ata Diosojawabelia, itsiata aponamuxuna-ewetsitsi tsane, pewajëcaejawa peto-exanaenexatsi. 10-12 […]
13 Pajiwi nayawajunuaxaina pibisiacuene pexanaejawa, penawecuapaebiyaniwa Diosojawabelia, bajarapajiwi apotoxanepanaetsi daxitacuene. Pajiwi pijinia Diosojawabelia nawecuapaebabiaba, copatanua daxita pibisiacuene pexanaejawa, bajarapajiwi Dioso itaxutotsoniatanetsi, siwajamatabëcuenecaewatsinua pijaneconimi. 14-18 […]
19 Ponë nacuenebabiaba pijapabi, xainabiaba ayaijawa pexaejawanexa. Ponë saya nasiwanajamatabëxainabiaba apopecuenecaëjëpaejawatsi pexainaejawanexa, bajaraponë bepejiobicueneta ponaponaena. 20-26 […]
27 Pajiwi yawenonaena bitso bepejiobiwi, bajarapajiwi itsacuenejawa-ata apotosajinaetsi tsane. Pajiwi apoyawenonae tsane bitso bepejiobiwi, bajarapajiwi tocopiapatabiabianatsi xuanë apopexanepanaejawanë.
28 Pacujinae piacuenebejewi namatacaitorobiaya yanacua-eweta, daxitajiwi wecuamatayababiabatsi. Itsiata, pacujinae piacuenebejewi cuenecopiarucaena peyanacua-ewetsijawa, pexaniajamatabëcuenewi pewajënaeyabelia pexanaecuene toxanepanaponaenatsi.