SALMO 50
Dioso raja jiwi pijaneconi pexaniajainëcuenia pecanaëjëtsinë
Mapasalmo yaquina Asaf-pijinë, penamatacaitorobinë penaxëanaewi templobota.
1 Jehová, ponë ayaijamatabëcueneDiosonë daxita itsadiosowiwecua, cuaicuaijai baja mapanacuapijiwijawabeliaje. BajaraPonë junata daxita pamonae pejinawanapaewi waëyabetsia, pemutuabereca-ata pejinawanapaewi. 2-4 […]
5 BajaraPonë jumaitsi daxita mapanacuapijiwijawabeliaje:
—Panetocaetuatsianame pamonae asiwaya taneyaiyataewi ajamatabësaë tsawanapae, pamonae nenajumeliwaisicajunua xanëjawaberena dajubi petajuitsijawata tawënëta —jai Dioso.
6 Dioso itsa cobecowëtanetsi itaboxo, nacayapëtaeya-exana Diosopexaniajainëcuenia pecanaëjëtsinë.a Bajaraxuata, yapëtanetsi Dioso xaniajaiya petocanaëjëtsinë pijaneconi pexainaewi, pijaneconi apopexainaewi-ata.
7 Dioso jumaitsi Israel-pijinë pemomoxijawabelia:
—¡Panejumetaema tajajiwi Israel papemomoximë! Pacatsipaebianatsi xua yabara pananeconitame xanëjawaberena. Xanë raja Diosonë, panijaDiosonënë tsaponaponae. 8 Xanë raja apopacacuene-itawetsitsi panecapatabiabijawa dajubi panetajuitabiabinexa altar-jumata pacuenia pa-exanawanapame panijaneconijamatabëcuene, patacasiwajamatabëcuenecaewinexa.
9 »Xanë picani aponamatawenonaenë panecapatabiabijawa panijabecerroyajuwënëwi, panijacabrayajuwënëwi-ata tana-abatsinexa. 10 Aponamatawenonaenë, tsipaji daxita unupijiwi xanë tajanëxi. Padajubiwi jinawanapa petsutonëjawa, bajaraponëxi-ata tajanëxi. 11 Bajarapacuenia yapëtaniji daxita pepunaewi tajanëxicuene, daxita pamonaenua petusatonacuajawa pejinawanapaewi.
12 »Xanë tajani-ata tsipae, taxaenexa apopacanamitsawajëcae tsipaetsi patanerajutsinexamë, tsipaji daxita mapanacuataje xua ya-ënëaboca, bajaraxua daxita tajajawa. 13 ¡Pacanaëjëre! ¿Xanë tsaja vacawi taxaenë? ¿Xanë tsaja pebito cabrajana ta-apaenë? ¡Jume cajena! 14 Dajubi patanerajutabiabijawamëwecua altar-jumata matatoxenetsia jitsipajë patanerajutabiabijawamë pexaniajamatabëcuene, bajarapacuenia pataneto-exanaenexamënua pepopanijaDiosonënë xua najumecapanepaeya panejumaitsimë pane-exanaenexa. 15 Pacujinae payajamatabëcuenebëjamë tsawanapae itsacuenejawa yabara, panewajëtsianame. Nexata, xanë pacayawenonaenatsi. Paxamë juya yaiyataeya panewënëjoneya-exanaename itsamonaejawabelia —jai Dioso Israel-pijinë pemomoxijawabelia. 16-23 […]