Israel-pijinë pemomoxi Dioso peyawenonaexaetsi, werebiabijitsia Canaán nacuapijiwimi
9
Moisés Israel pemomoxijawabelia jumaitsi:—¡Paxamë pa-israelitamonaemë, xaniawaetsia panejumetaema maxuaje! Copiapata rabaja ajena panenicabinexa Jordán-mene itsapanabelia, panejonenexa panacuajawabelia Jehová pacarajutsijitsia. Bajarapanacuata jinawanapa bitso ayaibitsaëto pecuene-aitatsacawi paxamëwecua, bajarapacuenia ayaitomaranë-ata pexainaewi. Bajarapatomaranë xainabiaba penaya-itacaranabijawanë, athëbëabetsia bitso piapiajawanë. Bajarapanacuapijiwimi pacuene-amoneyabianame, panepitaponaenexa pijanacuanëmi. 2 Bajarapatomarapijiwi bitso ayainëxanetonë, piapiawinua daxitajiwiwecua, tsipaji bajarapamonae Anac-pijinë pemomoxi. Bajarapamonae Anac-pijinë pemomoxi yabara pawënëtaneme baja. Mapacuenia pejumaitsijawaje: «Ajibi cajena itsamonae pecuene-amoneyabinexatsi Anac pemomoxi», peyabarajaijawatsi pajumetaneme.
3 »Itsiata, ajenaconoxaeta bepayapëtaneme maxuaje: Jehová panijaDioso, bajaraPonë raja panewajënaeya najetarucaena bajarapamonae papecawecuawerebiabinexa panebarënawajabitsaëtanajetarubenaejawata. Pacuenia nawaxaneto baweriajawanajetaruca, bajarapacuenia bajaraPonë werebiabanajetarucaena daxita bajarapanacuapijiwi. Nexata, bajarapacuenia paxamë bepijiayo pacuene-amoneyababiabianame bajarapanacuapijiwimi, panewerebiabinexa, pija-iranëmi panepitsinexa Jehová papecayawenonaecuenia. Pacuenia nacatsita bepijiayo tsatabi jiwitonë penaitaxutotsaquetajarabijawa, bajarapacatsita-itsi tsane panecuene-amoneyabijawa bajarapanacuapijiwi. Bajarapacuenia Jehová najumecapanepaeya pacajumaitsi papecayawenonaejawanexa. 4 ¡Pamatacabi jamatejema pajinawanapaename bajarapanacuata, Jehová panijaDioso papecawecuacapitsapaexae tsane bajarapamonae pejinawanapaenacuanëmiwecua, pëtsa pajamatabëjumaitsimë paxamë panenajamatabëxainaecuenia: ‘Pexaniacuenia wajatojinawanapaexae Jehová, bajaraPonë juya nacarajuta bajarapamonae pijanacuanëmi,’ pajamatabëjamë pëtsa! Baitsi, Jehová PanijaDioso pacawecuacapitsapaena bajarapanacuapijiwimi bitso piacujirubejewixae Dioso pitabarata. Nexata, pijaneconijamatabëcuene yabara, pacawecuacapitsapaena. 5 Jehová panijaDioso apopacarajutsi tsane bajarapamonaemi pijanacuami, aneconijibia panejinawanapaexae bajaraPonë pitabarata. ¡Jume baja cajena! Paxamë pacarajutsiana bajarapamonaemi pijanacuanëmi, bitso pibisiacuene pexanawanapaexae bajaraPonë pitabarata. Nexata, Jehová pacarajutsiana bajarapamonae pijanacuanëmi, penajumecowë-exanaenexa tajëwelia xua najumecapanepaeya jumaitsi papecato-exanaenexa panijasalinaiwimi,a Abraham, Isaac, Jacob-banajawabelia. 6 Biji rajane, bepanatoyapëtaewanapame maxuaje: Jehová panijaDioso apopacarajutsi tsane bajarapapexanianacua, aneconijibia panejinawanapaexae bajaraPonë pitabarata, tsipaji paxamë panatae-atamë aneconijibia panejinawanapaejawa, itsiata pa-ajamatabëcuenetajamë tsabiabi Diosojawabelia panejumecowënëtsiyaniwa —jai Moisés Israel-pijinë pemomoxijawabelia. 7-29 […]
C10 […]