Pacuenia sacerdotewi to-ewetsijitsia lámparaxi Jehová pijacarpabo-ënëta
24
Jehová jumaitsi Moisés-jawabelia, bajaraponë petsipaebinexa israelitawijawabelia:2 —¡Itorobare Israel-pijinë pemomoxi pecapatabiabinexa pecayujutsi-olivocuai-aceitera, pepopexania-itaranaera, bajaraporaxita sacerdotewi pitayotabiabinexa lámparabëxita tajacarpabo-ënëtuatuajëjawata, penapebetsinexa copiaya payatu-ucutsijawa daxitamerawijebi, matacabijebi-ata! 3 Peyatu-ucutsipanapënëwetsia, papana ruca tanajumeliwaisixaniawaetsibaula pewajënaeya, bajarajota Aarón ewetsiaya taeponaponaena bajarapalámparaxi pitaxupaeyaniwa daxitamerawijebi. Bajarapacuenia itorobajë tatocaëjëtsicuenia sacerdotewituatuajëta ponë pepopenamatacaitorobinë pecanacopataponaenexa pemomoxibitsaëtonëjawabelia, bajarapacuene pexanawanapaenexa daxitamatacabijawabelia. 4 Palámparaxi ena pitayotsicandelabrobojawata, pepopexania-oronanitota pexanaejawa, xaniawaetsia ewetsiana pitaxupaeyaniwa caeto-ata daxitamatacabijawabelianexa —jai Jehová.
Pacuenia sacerdotewi tojebijitsia pan caesemana canacujitsia Jehová pijacarpabo-ënëta
5 —Bajarapijinia pacuenia mesajumata pejebabiabipan-nexa, bajarapamonae pitsiana pepopexaniawiria trigobenojawa, bajaraxuajawa pan pexanaenexa, doce papetoyororocaepan-bëbeje.a Bajaraxuacujinae, sebiana. Bajarapapan pexanaenexa, pitsiana trigobeno caepan-bënexa cuatro pakilobeje epatuajawa. 6 Xuacujinae, pepopexania-oronanitota pexanaemesajumata bajarapadoce papan-jawanë jebabiabiana nacorobotsiaya anijabërëtobejecuenia, caecorobota penajumabuataponaenexa seis pabëbeje. 7-8 Caecorobo canacujitsia pejumata paya-etsianame waxiyota pepopexania-inciensojawa. Bajarapapan sacerdotewi pepopenamatacaitorobinë jebaponaena Jehová pitabarata caesábado canacujitsia, penacuene-itajëtsinexa tanajumecopatsiliwaisi Israel-pijinë pemomoxijawabelia daxitamatacabijawabelianexa. Bajarapacuenia jebaponaena Israel-pijinë pexi caenë canacujitsia pemomoxibitsaëtonë pewënëta daxitamatacabijawabelianexa. Nexata, pamatacabi jebijitsia icatsia doce papan-bëbeje mesajumata, bajaraponë tajuitsijitsia copiaya peya-etsi-inciensojawanëmi bajarapapan-jamatabëcuenemi dajubi petajuitabiabi-altar-jumata, pitajëtsinexa bajarapapan bepetajuitsipan. 9 Itsiata, bajarapapan, copiaya pejebijawanëmi, bajaraxuanë Aarón, pexi, pemoxoxi-ata, ëpamonae sacerdotewi, pexaeyabiabinexa taneyaiyataetaxunaeta, baitsi, tajacarpabota, itsa jume, carpabo pijapanabota, tsipaji petajuitsijawaminexayajuwënëjawa altar-jumata. Bajarapacuenia sacerdotewi exanawanapaena daxitamatacabijawabelianexa —jai Jehová. 10-23 […]
C25-C27 […]