(Texte de ce chapitre disponible dans Wan Yéesu arok mee gáyinen mee gukaan)
2
36 « Buguul bugara Isirayeel búroomuul peepe fok jímir mara maregen, Yéesu hanur aahu han jifaaŋ mee nꞌekuruwa, Atúuha akaanookaan náani Acila, náani may Kirista. »37 Gurim gaagu ngugor máamak bugan gan to mee ngáyenten jaram gusonken Piyeer nꞌgupaalool epootaar gurogiil : « Gutióli, éli ñeer buu nubile ekaan ? » 38 Piyeer narogiil : « Jílowul bakaaneruul, ban anooan mꞌbuguul nayab gábatiise nꞌgajow gara Yéesu Kirista mimbil síjunubeuul sibonkehi. Mo, buguul be eyab gájii Atúuha gammee Búyeget Baset mee. 39 Jímir mara wan Atúuha arok mee be ekaan, ho be ekaan wo bu mꞌbuguul nꞌguleehuul, ban may bu mꞌbugaagu peepe gacin mee kuhi, bugan gaagu peepe gan Acehériit mee Atúuhaolaal abil mee ewook. »
40 Piyeer nabenen alobiil gurim gucee gameeŋe bu gacigen elobool ban may be ekaaniil nguhanken. Nak arogiil : « Jípur nꞌgayooŋ gara bugan gálaaj mee mimbil jíjuh jipak. » 41 Gameeŋe mꞌbugo ngusoŋ gurim Piyeer min ñeer gúbatiiseiil. Funak faafu ufu, jooŋoojooŋoor bugan síwuli sífaajiir (3,000) gajaalo gubenen gayooŋ gara gáyinen mee.
42 Bugo peepe gáyinen mee nak guhanken gáyenten baliigener baabu bara epootaar yaayu, nguhanken may mꞌburoŋ bara batiaay, nꞌfúcaho'oor tin tanur, son gahomenoor be éciin Atúuha. 43 Anooan mꞌbugo násebi mara min Atúuha asen mee epootaar yaayu sembe nak gukaan úyiisenum son waaf wameeŋe wajaahalie an. 44 Bugan gáyinen mee búroomiil gujogojogoor, nak gugaboor waaf waawu peepe wan gubaj mee. 45 Nak gunoomen etaamiil son fubajiil, ngugaboor síkori saasu anooan wabil mee etook bu nu ho. 46 Funagóofunak ubugu ngahanken : gahomenoor nꞌyaŋ Atúuha, fúcaho'oor nꞌsiyaŋiil, son fúcaho nꞌgásuumaay ró mꞌbúyeget baseset. 47 Nak gufooñ ufooñ wara esal Atúuha, ban mooliil mmúsuum bugara ésuk yaayu peepe. Funagóofunak Atúuha náŋarul gan apagen mee anap nꞌgayooŋiil.