7
8 Acehériit mee narok Móyiis bugo nꞌAharoŋ :
9 « Eéni Firawuna aroguul jikaan waaf wabile gajaahali an,
aw Móyiis nurok Aharoŋ abet egolool nꞌetaam fácil Firawuna.
Egol yaayu bu gálowulo enaab ! »
10 Móyiis bugo nꞌAharoŋ ngujow gutook Firawuna,
ngukaan naŋ min Acehériit mee alobiil mee.
Aharoŋ nabet egolool nꞌetaam fácil Firawuna nꞌújagagaool,
nélowulo enaab.
11 Ñeer Firawuna náwoogul ulonna,
mꞌbugara bátuuto nꞌgayaal mee bugara Esípt,
ngukaan manur maamu mꞌbooliil bakaaner.
12 Anooan mꞌbugo nabet egolool nꞌetaam,
nélowulo enaab.
Bare egol Aharoŋ némer sooliil sigol.
13 Bare Firawuna nemma balas,
áyentenut Móyiis bugo nꞌAharoŋ,
naŋ min Acehériit mee alob yo mee.
[...]
Ñeer Atúuha nabehúl nꞌEsípt úyiik woono futok nꞌubaagiir banur banur mimbil Firawuna asoŋ nakahen bugara Isirayeel ngúpur mꞌmof maamu.
Nálowul eraal yaayu fúsim.
Nápurenul sifool samemmeeŋ,
babuk son úriba.
Nabehúl gásomut min sikaj sicet.
Nabehúl sisooho mꞌbugara Esípt son sínunkureŋ.
Nawalenúl bawaal,
nápurenul fábangur ban nakaan min mooc bíp mꞌmof mara Esípt peepe.
Nanoonan búyiik bubaje,
Firawuna narok Móyiis :
« Eéni ukaan búyiik be mbufaago,
ínje bu gakaheniil ngúpur.
» Bare nanoonan mbufaagoe,
nalas,
nafoy gakaheniil.