Mal mmúpurul nꞌfúlankiin
17
Gayooŋ bugara Isirayeel búroomiil peepe ngúpurul nꞌerampaasa yara Siin,
ngútitipoor káŋ bu Refidim,
naŋ min Acehériit mee aliik mee nogoor.
To nguyah mee síguuhiil,
bare gayooŋ gaagu gubajut mal bu marem.
2 Ñeer bugara Isirayeel ngon gámuyen Móyiis ngurogool :
« Jisenóli mal urem.
» Móyiis násuupiil arogiil :
« Waa ucile njoomom ngámuyen ?
Waa ucile njon nelaaf Acehériit mee ? »
3 Nemma gayooŋ gaagu marem mujogiijok,
nguloloboor guyah mꞌMóyiis gurogool :
« Waa ucile núpurenuloli nꞌEsípt ?
Teer aw be ekaan min marem mujogóli jaram ucet,
éli nꞌguleehóli nꞌsikooreóli ? »
4 Móyiis nakaaw bu nꞌAcehériit mee arogool :
« Buu nibile ekaan gayooŋ ge ?
Ŋañoŋaño fáriiit ngutegom sílankiin jaram icet. »
5 Acehériit mee narok Móyiis :
« Uŋar unafaan gucee bugara Isirayeel min jiloh fácil.
Egol yan umus mee uŋar nutek eraal yara Niil,
ujok yo nꞌgañen nujow.a
6 Injé bu gayuho fácili,
to nꞌfúlankiin fammee nꞌemontaañ yan guroge mee Horeb.
Uŋar egol yaayu nutek fúlankiin faafu,
mal be épurul min bugan gaagu gurem.
» Móyiis nakaan mo fácil unafaan bugara Isirayeel.
7 Ñeer narok to Maasa son Meriba (yo yommee elaaf son gámuy),
mara bugara Isirayeel to ngúmuyenool mee,
ngulaaf Acehériit mee nan gurok mee :
« Mee pére Acehériit mee umu nꞌalaal,
teer alet nꞌalaal ? »