13
Atúuha naloh bugara Isirayeel fácil, naliigiil bulago
17 Nan Firawuna akahen mee bugara Isirayeel ngujow,
Atúuha akahutiil nguŋar bulago bara efilisiit yaayu haani min bureg mee mbucige,
mara aroge :
« Eéni guloh nꞌfutiik fatataf,
bugo be ejok émiremma min gúbaañul bu nꞌEsípt. »
18 Yo ecil mee Atúuha nakaan min bugara Isirayeel gubos nꞌgara erampaasa yaayu gujooŋoor fal fabaj mee étuuhuur yanogoore nꞌesiisiit.
Gúpurulopur nꞌEsípt naŋ utiiga.
19 Móyiis naŋar uwuul wara Suseef min ajow,
mara Suseef arorok guleeh Isirayeel gukaliool :
« Nan Atúuha abil mee gáriikenuul,
buguul be eŋar eñalenom min jijow. »
20 Ñeer bugara Isirayeel ngúpur Sukoot,
ngujow guyihen síguuhiil nꞌésuk yan guroge mee Etam nꞌgabereberef gara erampaasa yaayu.
21 Tufunak Acehériit mee fannaool nja alohiiloh fácil nogoor nꞌfumooc fáamak fuyuho bu fatiya be eliigiil bulago ;
nu fuk naŋ sambun sayuhoe bu fatiya bu gajigeniil.
Yo ecil mee bugara Isirayeel ngújuh gujow fuk nꞌtufunak.
22 Fumooc faafu fúyolout elohiil fácil tufunak,
sambun saasu may nu fuk siloheiiloh fácil.