hitaym yewannis lakkiyya
paanussa
1
1 inkot man,
se pahisantenne meddaaddass an qimaayt kapa hitaym hitam.
antu shaakketassin inn hoxsaannin;
anaah kodda male,
hin shaakket up dahenn inn hoxsaannin;
2 shaakket settenno it otanshaynu qalle kishshonne ittureeshanno hak parparat innu olle kallaannintu kida.
3 has dikkane nam mutsuroottaanne andot Mooha heka appatenne hekat meetaayy heka Yesus kristoos shaakketanne hoxsuntin innu olle kinnaadenii.
shaakketanne hoxsunt
4 meddaatt ila shakkanaddu acac se Mooha appat innu dayyenn oot iyyaa shaakketin kallaanniyan antu akk maalla ikkaanessin masmass.
5 inkotallo,
tonhedess!
hin antu ammann hedi tsaafiyyu acac awshittap hedess inkinnaann;
ammann antu hedi tsaafiyyu acac se "mashshmashshaynu orr hoxsaannaa" kidiyyu,
turi qattaassenno innu kapa kiyyu kida.
6 hoxsunt shaakket,
acac Mooha kaysisa kida.
acac sedenno qum inn turiqatta dakaytenep se,
"hoxsuntin kallaadaa" kidiyyu kida.
7 maana maalla,
iyyaan patin nam dapusinniyy iyaan lek husslah qarop dey;
iyyaa Yesus kristoos nam kodda sohann akkaattaayy amm amaaniyyanemu;
nam hin iyy patin nam dapusinniyyonne olishsh kristoos kida.
8 inn lamm heriyayn dahenn qeeddatta kokkaadaa,
hin inn iyyi erkatten inn tura allipata tura mashshayni illushadaa.
9 nam kollila kristoosin qima kallaatta diinniyyu illo ketta sekaattan anniyyu amm Mooha heqapamu;
nam kollila kristoosin qimiyyu kallaanniyyu lamm,
Mooha appaanne meet qap.
10 nam kollila hin qapatta male inn kapop deyiyyu et kinnaado,
manayn iyy qeeddatta diiyyaa;
paanussa naf idehasa diiyyaa.
11 nam paanussa iyy dehanniyyonno nam erkamaayy hin nayq olle seniyyu kodin.
paanussa muutayta