Ƴuuruɓe e Nuuhu
10
1 Inan ƴuuruɓe e Nuuhu, ɓeen ngoni Saam e Haam e Yaafasu. Caggal ilam tuufaanu, ɓe ndimanaa ɓiɓɓe. 2 Ɓiɓɓe Yaafasu worɓe ngoni: Gomer e Maajuuju e Medi e Yawan e Tubal e Mesek e Tirase. 3 Ɓiɓɓe Gomer worɓe ngoni: Askanase e Rifat e Togarma. 4 Ɓiɓɓe Yawan worɓe ngoni: Elisa e Tarsis e Kittinkooɓe e Dodaninkooɓe. 5 Kamɓe ngoni maamiraaɓe lenyi jooɗiiɗi e duuɗe e daaɗe maayooji. Ɓeye fuu e leydi muɓɓen e ɗemngal muɓɓen fodde cuuɗi baaba muɓɓen e sii muɓɓen.6 Ɓiɓɓe Haam ngoni: Kuus e Misirayima e Put e Kanaana. 7 Ɓiɓɓe Kuus ngoni: Seba e Hawila e Safta e Rama e Saftika. Ɓiɓɓe Rama ngoni: Saba e Dedan.
8 Kuus rimi Namruudu. Oon laatii jom semmbe arandeejo ley adunaaru fuu.
9 O laatii loohotooɗo ngorguujo to Joomiraaɗo. Ɗum waɗi de ina wi'ee: «Loohotooɗo ngorguujo to Joomiraaɗo hono Namruudu.» 10 Fuɗɗoode laamu makko, wo: Baabiila e Erek e Akat e Kalne ley leydi Sinar. 11 O ƴuwi e leydi ndiin, o yehi leydi Asuura. O nyiɓi Niniwe e Rekobot-Ir e Kalak, 12 e Resen hakkunde Niniwe e Kalak. Niniwe woni huɓeere mawnde ndeen. 13 Misirayim rimi Luudinkooɓe e Anaminkooɓe e Lehabinkooɓe e Naftunkooɓe 14 e Patursinkooɓe e Kaslunkooɓe e Kaftorinkooɓe. Filistiyankooɓe e sii Kaslunkooɓe ƴuuri. 15 Kanaana rimi afo muuɗum bi'eteeɗo Sidon e sammbaajo mum bi'eteeɗo Hetu, 16 e Yebusinkooɓe e Amorinkooɓe e Girgasinkooɓe, 17 e Hewinkooɓe e Arkinkooɓe e Sininkooɓe, 18 e Arwidinkooɓe e Jemarinkooɓe e Hamatinkooɓe. Caggal ɗuum ƴuwdi Kanaaninkooɓe sankitii. 19 Leydi Kanaaninkooɓe fuɗɗi gilla Sidon faa yaade heedde Gerar, faa yottowoo Gaasa, kam e Sodoma e Gomoora e Aduma e Sebowim faa yottowoo Lesaa. 20 Ɓeen ngoni ɓiɓɓe Haam fodde cuuɗi baaba muɓɓen e ɗemle muɓɓen e leydi muɓɓen e sii muɓɓen.
21 Saam du heɓi ɓiɓɓe, kam woni maama ƴuwdi Eber fuu. Yaafasu wo mawno Saam.
22 Ɓiɓɓe Saam worɓe ngoni: Elam e Asuru e Arfacada e Luuda e Aram. 23 Inan ɓiɓɓe Aram worɓe: Us e Huul e Geter e Mas. 24 Arfacada rimi Selaha, Selaha rimi Eber. 25 Eber rimi ɓiɓɓe worɓe ɗiɗo. Innde gooto oon wo Pelek, sabo e jamaanu makko leydi ndiin feccake.b Innde sakiike makko oon wo Yoktan. 26 Yoktan rimi Almodat e Selef e Hasamawet e Yerak, 27 e Hadoram e Usal e Dikila, 28 e Obal e Abimayel e Seba, 29 e Ofir e Hawila e Yobap. Ɓe fuu wo ɓe ɓiɓɓe Yoktan. 30 Joonnde maɓɓe fuɗɗiri gilla Mesaa ɗakkol Sefaar faa yottii baamle lettugaaje.