Goɗɗo wonnoo de, wawtu fu o wi'ataanaa soni Alla waray, ni kaananke warataa. Jakka na ɗum metti kaanankee hunnde. Heddii kaananke itti fiyaare muuɗum, kam du finaatawaare muuɗum abada, maamam maayi yoppi ɓiɗɗo addi, noon ni faa tukki o. O addi fiyaare ndeen, o reeni o. Reenunoo o fu, kaananke acci faa o dilli de wi'i goɗɗo soosoo addowa fiyaare nde, faɗɗa e maayo. Heɓa wara ƴamta o. So tawii tawaaka na o resi nde ni wara o. Nde o faɗɗunoo nde fu liinga moɗi nde.

Suka gorko du wallaa nyaamdu so wanaa liƴƴi. Goɗɗo goma yaata na awoo dey, so awoken faa kiikiiɗe ni fanta sottira o. Fiyaare faɗɗaama liinga moɗii ɗum. Awottooɗo awooken heɓii linga ngaan fantii sottirii o. O huttunoo nga ni o tawi fiyaare nder reedu liinnga. O wi'i ndaa fiyaaree nde, way ba nde ndeenanoo-mi nde. O ummii jon kaa o ndaaroy to o resunoo to, o tawi fiyaare kaananke wallaa toon. Heddii o tummbiti fiyaare o resii faa waɗi daggu balɗe jeɗɗi.

Nyannde gom ni kaananke nilani suka gorko. O yottinoo ni o wi'aa o wadda fiyaare. O wi'i ayyo faa o hoota dey, o wadda fiyaare. Kaananke wi'i ndelle o ɗuutee ko na anndi koo o doggal. O yottinoo ni o tummbiti fiyaare o waddi. Kaanankee ƴammi: "Noy ngaɗɗaa dey kewtuɗaa fiyaare nde ? O jaabii: "Noy waɗɗunoo hey ?" Kaananke wi'i mi waɗɗaanonaa fiyaare nde tummbitaa de yahaa faɗɗowaa maayo too, heɓa mi ware. O ƴami ko saabii. Ko mbi'aataa ko so Alla waray ni kaananke warataa ɗum wellaa kam; ɗuum saabii.

Suka gorko wi'i gasii. Ndelle, nde ni nde faɗɗowanoo, liinga moɗi nde. Awotooɗo o, nde awowinoo fu heɓi liinga ngaa wari sottiri kam. Min du coodum liinga ngaan. Kuttum liinga ngaan dey tawum fiyaare ndeen ley reedu magga. Min kaa faa hannde, hannde e jaango fu, kaan keddii-mi nam jeerfoo. Soni so Alla waray fu, kaananke warataa!