Lenyi yo tati. Lenyi tati ɗi yo ɓaleeɓe, raneeɓe e ƴuuruɓe hakkunde ɓaleeɓe e raneeɓe. Kulle jeenay njippinaa. Lenyol fu adi tati.

Raneeɓe adi munyal, adi ciinam, adi sawraare. Ɓaleeɓe adi suusude tampere, adi anndude mawɗo muuɗum, adi mooɓude sirli. Yaltuɓe hakkunde ɓaleeɓe e raneeɓe adi annda lamndoo, adi waawa sawroo, adi heɓa heedee. Ɓeen won fulɓe.

Pullo yo jom needi, jom munyal, jom ɓeernde, kuloowo semteende, njamiroowo moƴƴere. Fay pullo woofaa, yo yarloto. Ko neɗɗo waawi laataade fu, so walaa needi, walaa munyal, walaa ɓeernde, hulataa semteende, waawaa yarlaade so toonyaama, joomum, pulaakum na ŋakki.

Ndewtere nde, yo dewtere fillaaji fulɓe, e haalaaji muɓɓoy.