Caggal ɗuum, ko musiiba niɓɓere, juurtaa e maɓɓe. Hay so a yoomnii ma ɓeydotoo ko bonde. Sikkanooma nde ɓe ɓiltii e ɗum ɗoo fof ngol ɗoo, maa ɓe njaɓ. Kono addanaani mo jaɓde.
Joomiraaɗo wiy Muusaa, “Haŋkadi, maa mi addu musiiba cakkitiiɗo e dow Fira’aawna.”
E ngol so en ceertii e makko maa o riiw on yo on njaltu leydi makko.
Muusaa wiy Fira’aawna:
“Ko nih Joomiraaɗo wii, ‘Hedde hakkunde jamma, maa mi rew e dow Misira, afɓe worɓe leydi Misira fof maa maay, gila e afo maa, aan Fira’aawna, haa e afo korɗo gunoowo. Maa luukaali mawɗi ɗi hay gooto meeɗa nande, njogoraani nande, mbaɗ e hakkunde Misiranaaɓe. Kono hay rawaandu wofataa Isra’iila’en, gila e yimɓe haa e jawdi, mbele oɗon ngannda ko miin Joomiraaɗo seerndi Misiranaaɓe e Isra’iila’en.”