E nder oon ñalawma, Fira’aawna yamiri yo liggeeji caɗtine e maɓɓe, so ɓe ngoƴtaama ko’e maɓɓe kam, ma ɓe njejjit ɗee penaale. Mawɓe liggeyaaji ɓee, ɓeydii saɗtinde liggeeji e maɓɓe ine piya ɓe ina puroo ɓe; ina mbi’a ɓe, “Hol ko haɗi on timminde tuufeeje ɗe taƴanano ɗon ɗee?”
Ɓe njehi ɓe ngullitoyii to Fira’aawna, “Hol ko min mbaɗi amin leeptee ɗee ɗoo leeptee? Amin piyee amin puree.”
Fira’aawna jaabii ɓe wi’i,
“Wonaa ko on aamɓe! Wonaa ko on aamɓe! Ko ɗum waɗi oɗon mbaɗanoya Alla Joomiraaɗo mon sadakeeji kirseteeɗi. Jooni noon njehee liggoyo ɗee, ko liggotono ɗon koo, ustetaake.” Nde ɓe njaltata galle Fira’aawna ndee, ɓe potti e Muusaa e Haaruuna. Ɓe mbi’i ɗum’en,
“Yoo Alla ñaawu hakkunde men. On ngaddanii Fira’aawna saɗtinde liggey amen.”