2 ٻِٻّٜ تࣷلَ وࣷ: أُجِّ إٜ رٜڢَيَ إٜ يٜرِيٜلْ إٜ يَمَيْ إٜ إِبِسَمْ إٜ سَمُوِيلَ. ٻٜىٰ نغࣷنِ أَرْدِيٻٜ شُوطِ تࣷلَ، کࣷنُنْکࣷوٻٜ شٜمّبِطِنْٻٜ ڢࣷدّٜ ڃُوْدِ مُٻّٜنْ. وَکَّتِ نغُورْندَمْ دَاوْدَ ندٜىٰنْ وࣷ ٻٜ وࣷرْٻٜ 22٬600.

3 ٻِٻّٜ أُجِّ وࣷ: يِسْرَهِيَ إٜ ٻِٻّٜ مُوطُمْ مِکَيٜلْ إٜ أࣷبَدِيَ إٜ جࣷوِيلَ إٜ يِسِيَ. نجࣷيࣷ ٻٜىٰنْ ڢُو وࣷ أَرْدِيٻٜ شُوطِ مَٻّٜ. 4 إِٻٜ نغࣷودُنࣷو غٜٻٜ سࣷرْدَاسِيٻٜ 36٬000 ڢࣷدّٜ شُوطِ مَٻّٜ، سَبࣷ إِٻٜ تَوْرَنࣷو دٜىٰکِرَاٻٜ طُوطْٻٜ إٜ ٻِٻّٜ وࣷرْٻٜ. 5 سَکِرَاٻٜ مَٻّٜ ٻٜ لٜنيࣷلْ إِسَکَرْ وِنّدَاٻٜ ڢُو وࣷ وࣷرْٻٜ کࣷنُنْکࣷوٻٜ سٜمّبِطِنْٻٜ 87٬000.

6 ٻِٻّٜ بٜنيَمِنْ وࣷ: بٜلَ إٜ بٜکٜرْ إٜ يٜدِهَيٜلْ. ٻٜ ڢُو وࣷ ٻٜ تَتࣷ. 7 ٻِٻّٜ بٜلَ وࣷ: إٜسْبࣷنْ إٜ أُجِّ إٜ أُجِّيٜلْ إٜ يٜرِمࣷتْ إٜ إِرِ. أَرْدِيٻٜ شُوطِ نجࣷيࣷ ٻٜىٰنْ ٻٜيْدِي إٜ کࣷنُنْکࣷوٻٜ سٜمّبِطِنْٻٜ 22٬034 وِنّدَاٻٜ. 8 ٻِٻّٜ بٜکٜرْ وࣷ: جٜمِرَ إٜ يࣷهَسْ إٜ إٜلِيٜجٜرْ إٜ إٜلِيࣷهٜنَيْ إٜ أࣷمِرِ إٜ يٜرٜمࣷتْ إٜ أَبِيَ إٜ أَنَتࣷتْ إٜ أَلٜمٜتْ. ٻٜ ڢُو وࣷ ٻٜ ٻِٻّٜ بٜکٜرْ. 9 إِنْطٜ مَٻّٜ مبِنّدَامَ ڢࣷدّٜ ڃُوْدِ مَٻّٜ. أَرْدِيٻٜ شُوطِ مَٻّٜ وࣷ کࣷنُنْکࣷوٻٜ سٜمّبِطِنْٻٜ 20٬200. 10 يٜدِهَيٜلْ وࣷنِ بَابَ بِلْهَنْ. بِلْهَنْ رِمِ يٜوُسْ إٜ بٜنيَمِنْ إٜ إٜهُدْ إٜ کٜنَانَ إٜ جٜتَنْ إٜ تَرْسِسْ إٜ أَهِسَهَرْ. 11 ٻٜىٰ ڢُو وࣷ ٻٜ ٻِٻّٜ يٜدِهَيٜلْ. وࣷ ٻٜ وࣷرْٻٜ 17٬200 وَاوُٻٜ تِيغَادٜ کَٻِتِرْطٜ، کࣷنُنْکࣷوٻٜ سٜمّبِطِنْٻٜ أَرْدِيٻٜ شُوطِ مُٻّٜنْ.

12 سُݠِّمْ إٜ هُݠِّمْ وࣷ ٻِٻّٜ إِيرْ. هُسِمْ وࣷ ٻِي أَهٜرْ.

13 ٻِٻّٜ نَڢْتَلِ وࣷ: يَهَسِيٜلْ إٜ غُنِ إٜ يٜىٰسٜرْ إٜ سَلُّمْ إٜ ٻِٻّٜ بِلْهَ.

14 ٻِٻّٜ مَنَسَ وࣷ: أَسْرِيٜلْ مࣷ نَتَّاطࣷ مُوطُمْ سِيرِيَنْکٜ رِمَنِ طُمْ أࣷونْ. أࣷ رِمِ دُ مَکِرْ، بَابَ غَلَادْ. 15 مَکِرْ ٻَݝَنِ هُݠِّمْ إٜ سُݠِّمْ. إِنّدٜ سَکِيکٜ مَکّࣷ دٜبّࣷ وࣷ مَاکَ. ٻِيِيکࣷ طِطَٻࣷ وࣷ سٜلࣷڢٜهَدْ. سٜلࣷڢٜهَدْ أࣷونْ لٜ، ٻِٻّٜ رٜوْٻٜ تَنْ هٜٻِ. 16 مَاکَ دٜىٰ مَکِرْ رِمِ ٻِطّࣷ غࣷرْکࣷ دٜ إِنّدِرِ طُمْ ݠٜرٜسْ، مِنيُمْ غࣷرْکࣷ نَ وِعٜىٰ سٜرٜسْ. ٻِٻّٜ سٜرٜسْ أࣷونْ وࣷ أُلَمْ إٜ رٜکٜمْ. 17 ٻِي أُلَمْ رِمِ بٜدَنْ. ٻٜىٰ نغࣷنِ ٻِٻّٜ غَلَادْ، ٻِي مَکِرْ، مَکِرْ ٻِي مَنَسَ. 18 سَکِيکٜ مَکّࣷ دٜبّࣷ هَ-مࣷلٜکٜتْ رِمِ إِسْهّࣷدْ إٜ أَبِيٜجٜرْ إٜ مَهَلَ. 19 ٻِٻّٜ سٜمِدَ وࣷ: أَهِيَنْ إٜ سِکٜمْ إٜ لِکِ إٜ أَنِيَمْ.

20 ٻِٻّٜ إٜڢْرَيِمْ وࣷ: سُتٜلَ، سُتٜلَ رِمِ بٜرٜدْ، بٜرٜدْ رِمِ تَهَتْ، تَهَتْ رِمِ إٜلٜيَدَ، إٜلٜيَدَ رِمِ تَهَتْ، 21 تَهَتْ رِمِ جَبَدْ، جَبَدْ رِمِ سُتٜلَ، سُتٜلَ رِمِ إٜجٜرْ إٜ إٜلٜيَدْ. وࣷرْٻٜ غَتْ رِمَاٻٜ لٜيْ لٜيْدِ ندِينْ مبَرِ إٜجٜرْ إٜ إٜلٜيَدْ سَابٜ نجِݠَّکٜنࣷ ڢَا تٜىٰتَ دَابَاجِ مُٻّٜنْ. 22 إٜڢْرَيِمْ، بَابِيٻٜ أࣷونْ هٜدِّي لٜيْ مٜتّࣷرْغَلْ ڢَا ٻࣷويِ دٜ سَکِرَاٻٜ مُوطُمْ نغَرِ ندٜڃِّنِ طُمْ. 23 شَغَّلْ طُومْ أࣷ وࣷندِ إٜ دٜىٰکِيکࣷ دٜ رٜىٰدِ رِمَنِ أࣷ ٻِطّࣷ غࣷرْکࣷ. أࣷ إِنّدِرِ طُمْ بٜرِيَ سَبࣷ دٜبّࣷ أࣷونْ جَٻِي هٜدّࣷدَادٜ إٜ مَکّࣷ وَکَّتِ مٜتّࣷرْغَلْ هٜوْتِنࣷو ٻَادٜ مَکّࣷ ندٜىٰنْ. 24 ٻِيِيکࣷ دٜبّࣷ نَ وِعٜىٰ سٜىٰرَ. أࣷونْ نيِٻِ بَيْتِ-هࣷرࣷنْ غَلُّورٜ وࣷنّدٜ دࣷوْ وَامْندٜ إٜ وࣷنّدٜ لٜيْ نَطّࣷلْ إٜ ندٜ أُجّٜنْ-سٜىٰرَ. 25 رٜڢَ ٻِي بٜرِيَ رِمِ رٜسٜڢْ، رٜسٜڢْ رِمِ تٜلَ، تٜلَ رِمِ تَهَنْ، 26 تَهَنْ رِمِ لَدَنْ، لَدَنْ رِمِ أَمِهُدْ، أَمِهُدْ رِمِ إٜلِسَمَ، 27 إٜلِسَمَ رِمِ نُونْ، نُونْ رِمِ يࣷوسُوَ. 28 نࣷکُّوجٜ مَٻّٜ وࣷ: بَيْتِلَ إٜ دُرْدُطٜ مُوطُمْ إٜ نَارَنْ، ڢَرࣷ لٜتُّغَلْ إٜ غٜجٜرْ ڢَرࣷ غࣷرْغَلْ إٜ دُرْدُطٜ مُٻّٜنْ إٜ سِکٜمْ إٜ دُرْدُطٜ مُوطُمْ ڢَا هٜوْتِ أَيَّ إٜ دُرْدُطٜ مُوطُمْ. 29 ٻِٻّٜ مَنَسَ نجٜيْنࣷو بَيْتِ-سٜعَنْ إٜ دُرْدُطٜ مُوطُمْ إٜ تَانَکْ إٜ دُرْدُطٜ مُوطُمْ إٜ مٜغِدّࣷ إٜ دُرْدُطٜ مُوطُمْ إٜ دࣷرْ إٜ دُرْدُطٜ مُوطُمْ. وࣷ لٜيْ غَلُّوجٜ طٜىٰنْ ٻِٻّٜ يُوسُڢِ، ٻِي إِسْرَاعِيلَ نجࣷوطِنࣷو.

30 ٻِٻّٜ أَسٜرْ وࣷ: يِمْنَ إٜ يِسْوَ إٜ يِسْوِ إٜ بٜرِيَ إٜ سَکِيکٜ مُٻّٜنْ دٜبّࣷ نَ وِعٜىٰ سٜرَکْ. 31 ٻِٻّٜ بٜرِيَ وࣷ هٜبٜرْ إٜ مَلْکِيٜلْ. مَلْکِيٜلْ وࣷنِ بَابَ بِرْجَهِتْ. 32 هٜبٜرْ رِمِ يَڢْلٜتْ إٜ سࣷمٜرْ إٜ هࣷتَمْ إٜ سَکِيکٜ مُٻّٜنْ دٜبّࣷ نَ وِعٜىٰ سُوَ. 33 ٻِٻّٜ يَڢْلٜتْ وࣷ: ݠَسَکْ إٜ بِمْهَلْ إٜ أَسْوَتْ. ٻٜىٰ نغࣷنِ ٻِٻّٜ يَڢْلٜتْ. 34 ٻِٻّٜ سٜمٜرْ وࣷ: أَهِ إٜ رࣷغَ إٜ هُبَّ إٜ أَرَمْ. 35 ٻِٻّٜ هٜلٜمْ، سَکِيکٜ مَکّࣷ دُ، وࣷ سࣷڢَ إٜ يِمْنَ إٜ سٜلٜسْ إٜ أَمَلْ. 36 ٻِٻّٜ سࣷڢَ وࣷ سُوَ إٜ هَرْنٜڢٜرْ إٜ سُوَلْ إٜ بٜرِ إٜ يِمْرَ 37 إٜ بٜسٜرْ إٜ هࣷدْ إٜ سَمَّ إٜ سِلْسَ إٜ يِتْرَنْ إٜ بٜىٰرَ. 38 ٻِٻّٜ يٜتٜرْ وࣷ: يٜڢُنٜ إٜ ݠِسْݠَ إٜ أَرَ. 39 ٻِٻّٜ أُلَّ وࣷ: أَرَ إٜ هَنِّيٜلْ إٜ رِسِيَ. 40 ٻٜىٰ ڢُو وࣷ ٻِٻّٜ أَسٜرْ. وࣷ ٻٜ کࣷنُنْکࣷوٻٜ سٜمّبِطِنْٻٜ إِنّدٜ أَنّدٜىٰٻٜ أَرْدِيٻٜ شُوطِ مُٻّٜنْ، ٻِٻّٜ لَامِيٻٜ 26٬000، وِنّدَاٻٜ سَابٜ کࣷنُ.